Semet abla: “Uyghur yashlirini saqlap qéliwatqan mustehkem qorghan del diniy eqide”

Xitay hökümitining Uyghur élida atalmish diniy esebiylikning singip kirishining aldini élish namidiki siyasiy herikiti nöwette aliy bilim yurtlirida ewj élishqa bashlidi.

Shinjang xelq radi'o istansisining xewirige qarighanda, mushu ayning 11-künidin 12-künigiche, shinjang uniwérsitéti oqughuchilar we ata-anilar wekillirini yighip, “Dinning singip kirishige qarshi turush we mudapi'elinish” témisida söhbet yighini achqan. Shundaqla bashqa aliy mekteplerdimu dawam qiliwatqan bu xildiki keng kölemlik siyasiy pa'aliyetlerde da'iriler asasen, oqutquchi, oqughuchilardin xitay hökümitining “Shinjangda diniy esebiy idiyining mekteplerge singip kirishige pütün küchimiz bilen qarshi turush kérek” dégen yolyoruqining rohini öginish hemde bu heqtiki tedbir, orunlashturulmilirini estayidil izchillashturush, emeliyleshtürüshni telep qilghan.

Tejribilik ma'aripchi, norwégiyediki aktip siyasiy pa'aliyetchi semet abla xitay hökümitining atalmish “Diniy esebiylikning singip kirishining aldini élish” herikitining nöwette nuqtiliq halda aliy bilim yurtlirida kücheytilishining sewebliri we buning tesirliri heqqide özining köz- qarashlirini otturigha qoyup ötti.

Tepsilatini yuqiridiki awaz ulinishidin anglighaysiler.