Кәнт секретари: аһалиләрниң диний саватини кимдин, қәйәрдә чиқириши керәкликини билмәймиз

Мухбиримиз шөһрәт һошур
2017-09-29
Share
meschit-nazaret-tekshurush-aparat-1.jpg Уйғур елида коча, мәһәллә вә мәсчитләрни көзитиш үчүн булуң пучқақларға орнитилған көзитиш аппаратлириниң бири. 2010-Йили 2-июл, үрүмчи.
AFP

Хитай даирилири өзиниң нөвәттики тәшвиқат материяллирида уйғур районидики аһалиләрниң диний әркинликкә икән икәнликини, җүмлидин диниға етиқад қилиш вә етиқад қилмаслиқ әркинлики барлиқини илгири сүрмәктә. Әмма һөҗҗәт вә иҗраатлирида әсәбийликни түгитиш нами астида, уйғурларниң әқәллий диний мәлуматларни өгиниш вә қуран вә җайнамазни сақлишиниму чәклимәктә. Ундақта даириләр, өзиниң тәшвиқат вә иҗраатидики бу зитлиқни аһалиләргә немә дәп чүшәндүрүватиду?

Корла қараюлғундики бир кәнт секретари билән өткүзгән телефон сөһбитимиз давамида, у, хитайниң диний сиясәт тоғрулуқ нөвәттики тәшвиқати билән иҗраати арисида бир зитлиқ барлиқини йошуралмиди. 

У бир тәрәптин, нөвәттики иҗраатиниң вақитлиқ бир тәдбир икәнликини тилға алса, йәнә бир тәрәптин, буниң "әбәдий әминлик" тин ибарәт узун мәзгиллик бир пиланниң иҗраатлиридин бир парчә икәнликини баян қилди.

Секретар сөзиниң ахирида, аһалиләрниң яки уларниң пәрзәнтлириниң әқәллий диний саватини, җүмлидин бәш вақ намазниң қаидиси қатарлиқ сават характерлик мәлуматларни кимдин вә қәйәрдә өгәнсә тоғра болидиғанлиқи һәққидә өзидиму бир ениқ чүшәнчә йоқлуқини ашкарилиди.

Икки айниң алдида йопурға вә пәйзиваттин әһвал игилигән вақтимизда, у йәрдики даириләр қурани кәриминиң 2012-йилдин бурунқи тәрҗимисини йиғиватқанлиқини ашкарилиған иди вә бу һәқтә аптоном район дәриҗилик орунларниң һөҗҗити барлиқини ейтқан иди.

Корлида нөвәттә диний материялларниң нәдә вә қачан бесилишидин қәтийнәзәр һәммисиниңла йиғивелинғанлиқи мәлум, әмма буниң ялғуз корлидила иҗра қилиниватқан бәлгилимә икәнлики вә яки аптоном районниң бурунқи һөҗҗитидә өзгириш болғанлиқи мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт