Turghunjan alawudun: “Xitay hökümiti Uyghurlarsiz etraptiki musulman eller bilenmu munasiwet quralmaydu”

Xitay hökümiti bu bir yil térrorluqqa qarshi qanunini élan qilip, Uyghur élida diniy yosunda yürgenler, taratqularda diniy mezmunlarni tarqatqanlarghimu jaza békitip éghir jazalash, balilargha ata-anisini nazaret qildurush, ahalilerni bir-birige nazaretchilikke sélish, meschitke kirish kinishkisi béjirishni yolgha qoyush, roza tutush, zakat bérish, mewlut ötküzüshlerni cheklesh, hetta nezir-chiraghlarghimu shert qoyush, musulman dukandarlarni haraq, tamaka sétishqa mejburlash, meschitlerni chéqish, nopusigha diniy kimlikini toldurmasliqqa oxshash Uyghurlarning diniy étiqadini chekleydighan, dinni suslashturushni meqset qilghan siyaset tedbirlirini yenimu yükseldürdi.

Xitay da'irilirining Uyghurlarning étiqadigha qaratqan cheklesh tedbirlirining meqsiti we béridighan netijisi heqqide etrapliq mulahize yürgüzgen, gérmaniyediki diniy ziyaliy, dunya Uyghur qurultiyi diniy ishlar komitétining re'isi turghunjan alawudun ependi, emeliyette bu xil ashqun siyasetlerning Uyghurlarni étiqadidin waz kechküzelmeyla qalmay, eksiche xitay hökümitige téximu qarshi qilidighanliqini shundaqla xitay hökümitining Uyghurlarning diniy kimlikini étirap qilmay, hörmet qilmay turup kelgüsi üchün qurghan “Bir belwagh bir yol” gha oxshash büyük pilanliriningmu ishqa ashmaydighanliqini otturigha qoydi.

Muxbirimiz gülchéhre bilen birlikte turghunjan alawudun ependi bilen hemsöhbette bolung.