Yaponiyediki Uyghurlar roza héytni qutluqlidi

28-Iyul yaponiyede yashawatqan Uyghurlar özliri turuwatqan her qaysi sheher we ölkilerdiki meschitlerde roza héyt namizini oqup roza héytni qutluqlidi.

Yaponiyening bir qisim sheherliride yashawatqan Uyghurlar bashqa musulmanlar bilen birlikte héyt namizidin kéyin méhmanxanilarning ayrimxanilirida özliri aldin teyyarlighan yémeklikler bilen dastixan sélip roza héyt bayrimini tebrikligen.

Uyghurlar roza héytni tebriklesh pa'aliyitide mexsus balilar üchün qur'an tilawet qilish, islamiy ilimler, Uyghur tarixi we shundaqla bashqa bilimlerge a'it zéhin sinash musabiqilirini ötküzgen.

Yene bir qisim Uyghurlar bolsa, pelestin ghezzediki musulmanlar üchün i'ane toplashtek pa'aliyetlerni élip barghan.

Biz roza héytni tebriklesh munasiwiti bilen tokyo, chiba, fuku'oka qatarliq sheherlerdiki bir qisim Uyghur siyasiy aktipliri we ziyaliylar bilen téléfon söhbiti élip barduq.

Téxi emdila roza héyt namizini tamamlap tokyo türk jamisidin pighan bilen chiqqan dunya Uyghur qurultiyining mu'awin re'isi ilham maxmut ziyaritimizni qobul qilip özining shu taptiki weten söygüsini hesretlik ipadilep ötti.

Wetendashliri bilen meschit alidida quchaqliship, baghrini-baghrigha bésip héytliq salamlirini bir-birige bildürüwatqan, bash shtabi washin'gtondiki xelq'ara Uyghur kishilik hoquq,démokratiye fondining yaponiyediki wekili doktor turmuhemmet hashim namazdin kéyinki özining héytliq tesirati we héssiyatini bildürüp ötti.

Yaponiye Uyghur jem'iyitining aktip ezaliridin gülistan xanim weten ichi we sirtidiki oxshimighan shara'it we muhittiki roza héyt bayrimi heqqide toxtilip ötti.

Axirida ziyaritimizni qobul qilghan yaponiye kyushu uniwérsitétining pelsepe penliri aspirant doktori muxtarjan abduraxman qandaq qilghanda roza héyt bayrimini ehmiyetlik ötküzgili bolidighanliqi üstide özining qarashlirini bayan qilip ötti.

Awaz ulinishidin tepsilatini anglang.