Яритилишта тасадипийлиққа орун барму?

Тасадипийлиқ-нә низам, нә сситема билән һесаблашмайдиған вә уштумтут мәйданға чиқидиған надир һадисә демәктур. Каинат тасадипийлиқ билән пәйда болуп қалған әмәс.
Ихтиярий мухбиримиз өмәрҗан
2013-03-04
Share

Дин вә һаят 2000 соалға җаваб намлиқ әсәрдә мундақ дәп йезилған:‏
-Инсанни мисал қилайли: бир инсанда 208 парчә устиханниң болидиғанлиқини теббий мутәхәссисләр сөзлимәктә. Әгәр инсанниң җисманий қурулмиси тасадипийлиқ билән болидиған болса, бир инсанниң җисманий қурулмиси йәнә бир инсанниң җисманий қурулмисиға охшимиған болмасмиди? тасадипийлиқтин ибарәт бу уштумтут һадисә һәмишә вә һәр бир инсан үчүн болуверәмду? дуняға көз ачқан һәр бир бовақ өзиниң авази, бармақлириниң излири, сеймаси, сөзләш усули.... Вәһаказа бир қанчә җәһәттин йәнә биридин пәрқлиқ болуп туруп, униң бирхил пиланда яритилиши тасадипийлиқниң мумкин әмәсликини испатлимақта.

Яритилишта тасадипийлиқ йоқ

Мәзкур әсәрдә йәнә мундақ дәп йезилған:
‏-Профессор җак куйс яритилишта тасадипийлиқниң мумкин әмәслики һәққидә: "әгәр йәр йүзидә һаятниң мәйданға келишини еһтимал һесабларға бағлайдиған болсақ, бизниң мәвҗут болушимизниң қәтий мумкин әмәсликини көримиз" дегән.

Америкилиқ профессор мехаил һарт еһтималлиқ һесаби билән берәр җанлиқниң барлиққа кәлмәйдиғанлиқини вә тасадипийлиқ йоли билән әқил игиси болған инсанниң мәйданға келишиниң техиму мумкин әмәс икәнликини илмий усуллар билән испатлиған. юқириқи икки алим шундақ бир очуқлаш билән сөзини тамамлиған: "илим вәқәликләрниң немә үчүнлири һәққидә әмәс, бәлки қандақ икәнлики һәққидә издиниш демәктур. Биз билим адәмлиримиз. Әң кичик мәвҗудаттин әң чоңиғичә атомдин юлтузларғичә созулған пүтүн каинат әң мукәммәл бир низам, хариқи адәт бир система билән турмақта. Униң үстигә бу каинатниң әқилни мәст қилидиған илмий һәқиқәтлири күнсери ашмақта. ‹Қолиңиздики тәңгә пулни бир милйон қетим һаваға атсиңиз вә бу пул һәр қетимда әйни йүзи билән чүшсә, шу вақитта тасадипийлиққа имканийәт бар демәктур' дегән бир тәбиий пән алими илимниң тасадипийлиқни һәргиз қобул қилалмайдиғанлиқини очуқлайду."

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт