Yaritilishta tasadipiyliqqa orun barmu?

Tasadipiyliq-ne nizam, ne ssitéma bilen hésablashmaydighan we ushtumtut meydan'gha chiqidighan nadir hadise démektur. Ka'inat tasadipiyliq bilen peyda bolup qalghan emes.
Ixtiyariy muxbirimiz ömerjan
2013-03-04
Élxet
Pikir
Share
Print

Din we hayat 2000 so'algha jawab namliq eserde mundaq dep yézilghan:‏
-Insanni misal qilayli: bir insanda 208 parche ustixanning bolidighanliqini tébbiy mutexessisler sözlimekte. Eger insanning jismaniy qurulmisi tasadipiyliq bilen bolidighan bolsa, bir insanning jismaniy qurulmisi yene bir insanning jismaniy qurulmisigha oxshimighan bolmasmidi? tasadipiyliqtin ibaret bu ushtumtut hadise hemishe we her bir insan üchün boluwéremdu? dunyagha köz achqan her bir bowaq özining awazi, barmaqlirining izliri, séymasi, sözlesh usuli.... Wehakaza bir qanche jehettin yene biridin perqliq bolup turup, uning birxil pilanda yaritilishi tasadipiyliqning mumkin emeslikini ispatlimaqta.

Yaritilishta tasadipiyliq yoq

Mezkur eserde yene mundaq dep yézilghan:
‏-Proféssor jak kuys yaritilishta tasadipiyliqning mumkin emesliki heqqide: "Eger yer yüzide hayatning meydan'gha kélishini éhtimal hésablargha baghlaydighan bolsaq, bizning mewjut bolushimizning qet'iy mumkin emeslikini körimiz" dégen.

Amérikiliq proféssor méxa'il hart éhtimalliq hésabi bilen bérer janliqning barliqqa kelmeydighanliqini we tasadipiyliq yoli bilen eqil igisi bolghan insanning meydan'gha kélishining téximu mumkin emes ikenlikini ilmiy usullar bilen ispatlighan. Yuqiriqi ikki alim shundaq bir ochuqlash bilen sözini tamamlighan: "Ilim weqeliklerning néme üchünliri heqqide emes, belki qandaq ikenliki heqqide izdinish démektur. Biz bilim ademlirimiz. Eng kichik mewjudattin eng chongighiche atomdin yultuzlarghiche sozulghan pütün ka'inat eng mukemmel bir nizam, xariqi adet bir sistéma bilen turmaqta. Uning üstige bu ka'inatning eqilni mest qilidighan ilmiy heqiqetliri künséri ashmaqta. 'qolingizdiki tengge pulni bir milyon qétim hawagha atsingiz we bu pul her qétimda eyni yüzi bilen chüshse, shu waqitta tasadipiyliqqa imkaniyet bar démektur' dégen bir tebi'iy pen alimi ilimning tasadipiyliqni hergiz qobul qilalmaydighanliqini ochuqlaydu."

Toluq bet