Uyghur jem'iyitidiki yétim balilar méhir-shepqet kütmekte

Jem'iyettiki yétim balilarning halidin xewer élish, ularning béshini silash, ulargha maddiy we meniwi jehetlerdin yardem qilish, oqutush we terbiyilesh arqiliq ularni eqliy, exlaqiy we jismaniy tereplerdin mukemmel, yaxshi bir musulman qilip yétishtürüp chiqish shu jem'iyette yashaydighan musulmanlarning üstige perz kupayidur.

Yétimlikmu teqdir we qismettur. Eger yétimlik nuqsanliq yaki eyib yaki yamanliq bolsa idi, insaniyetning iptixarliq ülgisi, exlaq-peziletning yégane nemunisi hezriti muhemmed eleyhissalam yétim bolmighan bolar idi. Peyghembirimiz ata-anisidin kichik ayrilip yétim qalghan bolsimu, uni allah ta'ala özi terbiyeligen we kamaletke yetküzgen.

Sirajidin ezizi bilen söhbet

Uyghur jem'iyitidiki yétim balilarning teqdiri we yétimlargha qarita musulmanliq burchi qatarliq mesililerde melumat élish üchün se'udi erebistandiki wetenperwer alimlardin sirajidin ezizige muraji'et qilghan iduq.

Sirajidin ezizi mundaq dédi:
-Yétimlerni béqip, ularning béshini silap, qatargha qoshqan adem peyghember eleyhissalam bilen jennette birge bolush sheripige na'il bolalaydu. Peyghember eleyhissalam: “Men yétimni baqqan adem bilen jennette xuddi mushundaqmiz” dep ikki barmiqini jüplep körsetken. Yene bir hediste “Musulmanlarning öyliri ichide eng yaxshi öy, uningda yétim bolup, u yétimge yaxshiliq qilin'ghan öy, eng yaman öy uningda yétim bolup, u yétimge yamanliq qilin'ghan öydur” dep kelgen. Yétimlerning halidin xewer élish tekrar hejdin muhim, yétimlerni béqish nezir-chiragh qilghandin ewzel, yétimlerni béqish köpligen sediqe jariyelerdin we nurghun emellerdin ewzel.

Yuqiridiki awaz ulinishidin sirajidin ezizi bilen élip barghan söhbetning tepsilatini anglaysiler.