Д у қ рәиси долқун әйса чехийәниң муһим әрбаблири билән учришиш елип барған

Ихтиярий мухбиримиз әкрәм
2021-08-11
Share
Д у қ рәиси долқун әйса чехийәниң муһим әрбаблири билән учришиш елип барған Д у қ рәиси долқун әйса әпәнди чехийәниң дөләт мудапиә вә бихәтәрлик комитә́тиниң рәиси павә́л фишә́р(солда) әпәнди билән. 2021-Йили 9-авғуст, прага чәхийә.
RFA/Ekrem

"уйғур ирқий қирғинчилиқи" ни етирап қилған чехийәниң бәзи дөләт әрбаблири вә парламент әзалири д у қ рәиси долқун әйса әпәндини қизғин күтивалған.

9-Авғусттин етибарән чехийә пайтәхти пирага шәһридә 3 күнлүк зияритини башлиған д у қ рәиси долқун әйса әпәнди чехийәниң бәзи дөләт әрбаблири вә парламент әзалириниң қизғин күтивелишиға еришкән. Униң бүгүн прага шәһридин зияритимизни қобул қилип билдүрүшичә, бу қетимқи зиярәтниң асаслиқ мәқсити бу йил 11-айда пирагада чақирилидиған 7-нөвәтлик дуня уйғур қурултийиниң тәйярлиқ хизмәтлирини ишләш вә чехийә җумһурийитиниң "уйғур ирқий қирғинчилиқи" ни етирап қилғанлиқиға уйғурлар вә д у қ намидин рәһмитини билдүрүштин ибарәт болған.

Д у қ рәиси долқун әйса әпәнди американиң чехийәдики баш әлчилик вәзиписини өтәватқан җеннифер бакус ханим билән. 2021-Йили 9-авғуст, прага чәхийә.

Чехийә зиярити әснасида долқун әйса әпәнди чехийәниң дөләт мудапийә вә бихәтәрлик комитетиниң рәиси павел фишер әпәнди билән учришип, уйғурлар мәсилиси бойичә сөһбәтләр елип барған һәмдә "уйғур ирқий қирғинчилиқи" ниң чехийә парламентида етирап қилинишиға қошқан һәссиси үчүн униңға уйғурлар намидин рәһмитини билдүргән вә униңға уйғур допписини тәқдим қилған.

Долқун әйса әпәнди американиң чехийәдики баш әлчисилик вәзиписини өтәватқан җеннифер бакус ханим биләнму учришиш өткүзүп, уйғурлар мәсилиси тоғрисида сөһбәтләрдә болған. У йәнә чехийә парламентиниң бәзи әзалири биләнму айрим сөһбәтләр елип барған.

Д у қ рәиси долқун әйса әпәнди чехийәниң парламент әзалири билән. 2021-Йили 9-авғуст, прага чәхийә.

Долқун әйса әпәнди бу қетимқи зиярити мәзгилидә чехийәниң бир қисим парламент әзалириниң қошулуши билән "7-нөвәтлик қурултайниң тәйярлиқ комитети" ни қуруп чиққан һәмдә бу парламент әзалиридин бир қисим конкирет вәзипиләрни үстигә елишини тәләп қилған. Униң тилға елишичә, бу қетимқи зиярәт мол мәзмунлуқ бир зиярәт болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт