Древ павлов өзиниң ялған “бомба тәһдити” сәвәбидин қолға елинғанлиқини ейтти

Мухбиримиз нуриман
2022.07.26
Share on WhatsApp
Share on WhatsApp
xiao-qian-drew-pavlou.jpg
AP

Австралийә әркинлик партийәсиниң қурғучиси, яш сиясий паалийәтчи древ павлов (Drew Pavlou) узундин буян уйғур, тибәт, хоңкоң мәсилисидә актип паалийәт елип бериватқан сиясий паалийәтчиләрниң бири.

Древ павловниң билдүрүшичә у лондондики “әркин тибәт” гурупписиниң тәклипи билән 22-июл күни “пең шуәй нәдә” паалийитигә қатнишиш үчүн лондонға барған. Мәзкур паалийәттин кейин у лондондики хитай әлчиханисиниң сиртида уйғурларниң, тибәтләрниң вә тәйвәнликләрниң байриқини тутуп тинч намайиш қилған. Шу әснада сақчилар уни хитай әлчиханисиниң униң үстидин қилған “бомба тәһдити” шикайити билән қолға алған.

Древ павлов вә униң адвокати хитай әлчиханиси шикайәт қилған бу елхәтниң древ павловниң әмәсликини, буниң пүтүнләй бимәнә, ялған “бомба тәһдити” икәнликини билдүргән.

Древ павлов бу һәқтә радийомизниң мәхсус зияритини қобул қилип, өзиниң мәқсәтлик һалда қурулған бир “тузақ” ниң қурбани икәнликини ейтти.

Юқиридики аваз улиниши арқилиқ мәзкур сөһбәтниң тәпсилатини аңлиғайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.