Dréw pawlow özining yalghan “Bomba tehditi” sewebidin qolgha élin'ghanliqini éytti
2022.07.26
Awstraliye erkinlik partiyesining qurghuchisi, yash siyasiy pa'aliyetchi dréw pawlow (Drew Pavlou) uzundin buyan Uyghur, tibet, xongkong mesiliside aktip pa'aliyet élip bériwatqan siyasiy pa'aliyetchilerning biri.
Dréw pawlowning bildürüshiche u londondiki “Erkin tibet” guruppisining teklipi bilen 22-iyul küni “Péng shu'ey nede” pa'aliyitige qatnishish üchün london'gha barghan. Mezkur pa'aliyettin kéyin u londondiki xitay elchixanisining sirtida Uyghurlarning, tibetlerning we teywenliklerning bayriqini tutup tinch namayish qilghan. Shu esnada saqchilar uni xitay elchixanisining uning üstidin qilghan “Bomba tehditi” shikayiti bilen qolgha alghan.
Dréw pawlow we uning adwokati xitay elchixanisi shikayet qilghan bu élxetning dréw pawlowning emeslikini, buning pütünley bimene, yalghan “Bomba tehditi” ikenlikini bildürgen.
Dréw pawlow bu heqte radiyomizning mexsus ziyaritini qobul qilip, özining meqsetlik halda qurulghan bir “Tuzaq” ning qurbani ikenlikini éytti.
Yuqiridiki awaz ulinishi arqiliq mezkur söhbetning tepsilatini anglighaysiz.