D u q ning 20 yilliq musapisi: méhnetler we netijiler

Bérndin ixtiyariy muxbirimiz hebibulla izchi teyyarlidi
2024.05.04
DUQ-20-Yilliq-Xatirilesh-2-Kuni-H2.jpg D u q qurulghanliqining 20 yilliqini xatirilesh pa'aliyitining tunji meydan muhakime munbiri. 2024-Yili 3-may, myunxén.
RFA/Hebibulla Izchi

 D u q ning qurulghanliqining 20 yilliq xatire küni munasiwiti bilen gérmaniyening miyonxén shehride 3- maydin bashlap échiliwatqan xatirilesh pa'aliyitidiki bir muhim nuqta dunya Uyghur qurultiyi ( d u q)  dunyagha kelgen 20 yildin buyan uninggha singdürülgen méhnetler hemde buninggha yarisha qolgha kelgen netijilerge qarap chiqish boldi. Bu hal öz nöwitide bu qétimqi pa'aliyetning échilish murasimidin kéyin ötküzülgen tunji meydan muhakime munbirining bash témisi boldi. 

3-Maydiki échilish murasimining bir muhim mezmuni yawropa Uyghur ansambélining orunlishida yighin ishtirakchilirigha Uyghur sen'iti we uning güzellikini teqdim qilish boldi.  Murasim saloni dunyaning her qaysi terepliridin kelgen yighin ishtirakchiliri bilen liq tolghan bolup, yawropa Uyghur ansambilidin muxtar abdukérim janbazning duttar bilen orunlighan jenggiwar naxshiliri murasim salonini lerzige saldi.

D u q qurulghanliqining 20 yilliqini xatirilesh pa'aliyitining tunji meydan muhakime munbiridin körünüsh.  2024-Yili 3-may, myunxén.
D u q qurulghanliqining 20 yilliqini xatirilesh pa'aliyitining tunji meydan muhakime munbiridin körünüsh. 2024-Yili 3-may, myunxén.

Sen'et nomurlirini teqdim qilishtin kéyin Uyghur kishilik hoquq qurulushining xadimliridin lu'isa gréw xanimning riyasetchilikide tunji meydan muhakime ötküzüldi. Muhakime ishtirakchiliridin  amérika xelq'ara diniy erkinlik komitétining komissari nuri türkel, d u q re'isi dolqun eysa we amérika hökümitining b d t da turushluq sabiq bash elchisi kélliy kurrilar ayrim-ayrim söz qilip, d u q bésip ötken 20 yilliq musapisini qisqiche eslep ötti.

Amérika hökümitining b d t da turushluq sabiq bash elchisi kélliy kurri muhakime munbiride söz qilmaqta. 2024-Yili 3-may, myunxén.
Amérika hökümitining b d t da turushluq sabiq bash elchisi kélliy kurri muhakime munbiride söz qilmaqta. 2024-Yili 3-may, myunxén.

Shu qatarda d u q ning re'isi dolqun eysa söz qilip, qurultay qurulghandin buyan özliri düch kelgen türlük qiyinchiliqlar hemde ularni tügitish tirishchanliqlirini qisqiche eslep ötti. Uning qarishiche, qurultay deslep qurulghan waqitlarda xelq'arada héchqandaq tesiri we orni bolmighan bir teshkilat bolghan bolsa, hazir b d t we yawropa parlaméntlirida orni bolghan, shuningdek xelq'arada  étirap qilin'ghan simwolluq bir organ'gha aylan'ghan.

Bu munasiwet bilen amérika xelq'ara diniy erkinlik komitétining komissari nuri türkel ziyaritimizni qobul qildi. U özining qurultay dunyagha kelgendin buyan hazirghiche bésip ‍ötken barliq musapilirige shahit bolush jeryanida körgenliri, shuningdek qurultayning üch ewlat rehberlirining oxshimighan basquchlardiki tirishchanliqliri hemde nöwettiki netijiler heqqide oylighanlirini radiyo anglighuchilar bilen ortaqlashti.

Amérika xelq'ara diniy erkinlik komitétining komissari nuri türkel muhakime munbiride söz qilmaqta. 2024-Yili 3-may, myunxén.
Amérika xelq'ara diniy erkinlik komitétining komissari nuri türkel muhakime munbiride söz qilmaqta. 2024-Yili 3-may, myunxén.

Söhbet ariliqida yawropa Uyghur ansambélining artistliri qatnashquchilargha dolan ussulini teqdim qildi. Pa'aliyet zali dunyaning her terpidin kelgen qatnashquchilarning Uyghur naxsha-ussuligha chalghan güldüras  alqishliri bilen lerzige keldi.

Muhakime munbiri ariliqida yawropa Uyghur ansambilining artisliri qatnashquchilargha dolan ussulini teqdim qildi.  2024-Yili 3-may, myunxén.
Muhakime munbiri ariliqida yawropa Uyghur ansambilining artisliri qatnashquchilargha dolan ussulini teqdim qildi. 2024-Yili 3-may, myunxén.

Bu qétimqi échilish murasimi Uyghurche sen'et pa'aliyetlirige jör bolghan déplomatlar we siyasiyonlarning nutuqliri bilen nahayiti janliq keypiyatta dawam qildi.  Murasim axirida dulqun eysa yawropa Uyghur ansambili, gérmaniye ma'arip we medeniyet birliki qatarliq orunlarning ezalirigha güldeste teqdim qildi. Bu qétimqi pa'aliyetning bashqa mezmunliri toghrisida radiyomiz dawamliq xewerler béridu.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.