Д у қ: "америка президентиниң ‹уйғур кишилик һоқуқ сиясити қанун лайиһәси' гә имза қойғанлиқи тарихий һадисидур"

17-Июн америка президенти трампниң "уйғур кишилик һоқуқ сиясити қанун лайиһәси" гә имза қойғанлиқ хәвири елан қилинғандин кейин муһаҗирәттики уйғурлар иҗтимаий таратқуларда һәр хил шәкилләрдә өзлириниң шатлиқлирини ипадә қилишти. Д у қ му шу күнила ахбарат елан қилип, бу хош хәвәрни тәбриклигән.

Д у қ рәиси долқун әйса әпәнди бу һәқтә тохталғанда алди билән бу қанунни имзалиған америка президенти вә буниң үчүн күч чиқарған американиң барлиқ дөләт әрбаблириға болған тәшәккүрлирини изһар қилип өтти. У сөзидә бу қанунниң балдуррақ тәстиқлиниши үчүн һәссә қатқан пүткүл хәлқаралиқ тәшкилатларға вә уйғур сиясий актиплириға рәһмәтлирини билдүрди. Долқун әйса әпәнди йәнә мәзкур қанунниң хитайниң түрлүк зулумлири сәвәблик үмидсизликкә патқан уйғурларға зор үмидләр бәхш әткәнликини әскәртти.

Д у қ ниң сабиқ рәиси, пешқәдәм сиясий әрбаблардин әркин алптәкин әпәндиму бу һәқтә ипадә билдүрүп, "уйғур кишилик һоқуқ сиясити қанун лайиһәси" ниң тәстиқланғанлиқини қизғин тәбриклиди.

Д у қ ниң муавин рәиси пәрһат муһәммиди әпәнди "уйғур кишилик һоқуқ сиясити қанун лайиһәси" ниң америка президентиниң тәстиқидин өткәнликини "зор тарихий һадисә" дәп атиди һәмдә буниң уйғурлар тарихида барлиққа кәлгән тунҗи әмәлий күчи болған бир қанун икәнликини, көплигән ғәрб демократик дөләтлири узундин буян уйғурларға һесдашлиқ қилип кәлгән болсиму, хитайға бесим қилиш биләнла чәклинип, америкадәк үнүми болған әмәлий қәдәмләрни басмиғанлиқини тилға алди.

Д у қ ниң муавин рәиси доктор әркин әкрәм "уйғур кишилик һоқуқ сиясити қанун лайиһиси" ниң истратегийәлик әһмийәтлири тоғрисида өзиниң қарашлирини изһар қилип өтти.

Мәлум болғинидәк, америка авам палатаси вә кеңәш палатасида мутләқ көп қисим аваз билән тәстиқлинип президент трампниң имза қоюшиға сунулған "уйғур кишилик һоқуқ сиясити қанун лайиһәси" хитайни көп биарам қилған иди.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар