D u q ning biryusséldiki pa'aliyetliri netijilik axirlashti

Ixtiyariy muxbirimiz ekrem
2019-12-12
Élxet
Pikir
Share
Print

D u q 7-dékabirdin 10-dékabirghiche bélgiye paytexti biryussélda ötküzgen 3 chong pa'aliyet netijilik axirlashti.

D u q 12-ayning 7-künidin 10-künigiche yawropa ittipaqining merkizi bolghan bélgiye paytexti biryussélda 3 chong pa'aliyet orunlashturghan bolup, buning biri 12-ayning 7-künidin 9-künigiche 3 kün dawamlashqan "Uyghur yashlirini taratqu bilimliri bilen terbiyelesh kursi" boldi. Kursta xelq'aradiki tonulghan axbarat mutexessisliri ders berdi.

Xitayning xelq'arani aldash niyitide élip bériwatqan jaza lagérliri toghrisidiki saxta teshwiqatlirini ünümlük aghdurup tashlash üchün muhajirettiki yash taratqu heweskarlirini pa'al heriketke keltürüshning bu yighinning asasliq meqsiti bolghanliqini tilgha alghan d u q ning re'isi dolqun eysa ependi bu heqte toxtalghanda yash kursantlarning bu qétimqi pa'aliyettin köp xursen bolghanliqini eskertti.

7-Dékabirdin 9-dékabirghiche "Uyghur yashlirini taratqu bilimliri bilen terbiyelesh" kursigha parallél halda biryussélda yene "D u q ijra'iye komitétining 5-nöwetlik yighini" chaqirildi. Yighin'gha qurultay ijra'iye komitéti tarmiqidiki herqaysi komitétlarning 20 din artuq mes'ulliri qatniship, ilgiriki 6 ayliq xizmetlirini xulasilep, kéyinki 6 ayliq xizmet pilanlirini muzakire qildi.

10-Dékabir küni yawropa parlaméntida "Sherqiy türkistan xitayning tejribexanisimu?" namliq ilmiy muhakime yighini ötküzüldi. Yighin'gha yawropa parlaméntining bir qisim ezaliri, yawropa parlaméntidiki "Uyghur dostluq guruppisi" ning ezaliri, amérika, kanada, yaponiye, awistraliye, teywen, bélgiye qatarliq ellerdin kelgen xelq'araliq kishilik hoquq teshkilatlirining mes'ulliri, Uyghurshunaslar, jaza lagérliri mutexessisliri, bir qisim döletlerning elchiliri, diplomatlar, muxbirlar bolup köp sanda kishi qatnashti.

Mutexessisler yighinda xitayning sherqiy türkistan tupraqlirini atom sinaqliri élip baridighan, yuqiri téxnikiliq nazaret sistémilirini sinaq qilidighan, organ etkeschilikining menbesi qilidighan bir tejribexanigha aylanduruwalghanliqini ilgiri sürüshti. Dolqun eysa ependi bu yighinningmu tesirining yaxshi bolghanliqini tekitlidi.

Bu qétimqi 3 pa'aliyetke 10 gha yéqin dölettin wekiller kélip qatnashqan bolup, d u q ning qazaqistandiki wekili qehriman ghojamberdi ependi bu toghrisida toxtalghanda biryussélda ötküzülgen bu 3 yighinning her jehettin netijilik bolghanliqini ilgiri sürdi. Qazaqistandiki Uyghur siyasiy aktipliridin sedirdinmu yighin´gha ijabiy baha berdi.

Melum bolghinidek, yawropa ittipaqi rehberliri sherqiy türkistandiki jaza lagérliri mesilisini 2018-yilidin buyan xitay bilen bolghan diyalog we söhbetliride izchil tilgha élip kéliwatqan bolup, shu yili 4-öktebirde jaza lagérlirigha munasiwetlik 15 maddiliq qarar qobul qilghan idi. Bu yil 10-ay we 11-ayda yawropa parlaménti yawropa ittipaqining eng aliy mukapati bolghan "Waslaw xawél kishilik hoquq mukapati" hemde "Saxarof erkinlik mukapati" ni türmidiki Uyghur ziyaliysi ilham toxtigha berdi. 16-19-Dékabir künliri yene yawropa parlaménti jaza lagérliri mesilisini mexsus muzakire qilish aldida turmaqta.

D u q ning re'is wekili, qurultay diniy ishlar komitétining mudiri, sherqiy türkistan ölimalar birlikining mu'awin re'isi turghunjan alawudun ependimu yawropa ittipaqining merkizide ötküzülgen bu yighinlargha qarita özining tesiratlirini bayan qilip ötti.

Toluq bet