D u q hey'iti daniye tashqi ishlar ministirliqi rehberliri bilen uchrashqan

Ixtiyariy muxbirimiz erkin tarim
2022-03-16
Share
D u q hey'iti daniye tashqi ishlar ministirliqi rehberliri bilen uchrashqan D u q hey'etler ömikining daniyege tashqi ishlar ministirliqida söhbette. 2022-Yili 16-mart.
RFA/Erkin Tarim

Dunya Uyghur qurultiyi hey'etler ömikining daniyege élip barghan ziyariti 16-mart küni resmiy bashlan'ghan bolup, d u q re'isi dolqun eysa bashchiliqidiki hey'etler ömiki daniye hökümet xadimliri, tashqi ishlar ministirliqi xadimliri, xelq'ara kechürüm teshkilati mes'ulliri bilen uchrashqan.

D u q re'isi dolqun eysa ependi 3 kün dawamlishidighan bu qétimqi daniye ziyaritining meqsiti we bügün élip barghan uchrishishlar toghrisida melumat bérip mundaq dédi: “Dunya Uyghur qurultiyining 2022-yilliq her qaysi döletlerni, hökümetlerni we parlaméntlarni ziyaret qilish pilanimizning da'irisi boyiche15-mart küni dunya Uyghur qurultiyining hey'iti kopénhagén'gha yétip kelduq. Men, dunya Uyghur qurultiyining bash meslihetchisi rishat abbas, rehberlirimizdin zumret'ay erkin xanim, yawropa birliki parlaméntidiki wekilimiz we dunya Uyghur qurultiyining daniyediki wekili abduxélil ependi qatarliq 5 kishidin terkib tapqan hey'et bügün daniyege élip barghan ziyaritimizni bashliduq”.

Dolqun eysa ependi bügün yeni 16-mart küni daniye tashqi ishlar ministirliqi mes'ulliri bilen körüshüp ulargha en'gliyediki Uyghur sot kollégiyesining qararini we Uyghur irqiy qirghinchiliqi heqqide teyyarlan'ghan doklatlarni bergenlikini bayan qildi.

D u q re'isi dolqun eysa ependining bildürüshiche, bügün daniyediki xelq'ara kechürüm teshkilatida Uyghur élidiki kishilik hoquq depsendichiliki toghrisida mexsus yighin chaqirilghan. Dolqun eysa ependi bu heqte toxtaldi.

D u q bash meslihetchisi rishat abbas ependi hey'etning daniyege élip barghan ziyaritining meqsitining “Uyghur irqiy qirghinchiliqi” toghrisida Uyghur kollégiyesi chiqarghan qararni chüshendürüsh ikenlikini bayan qildi.

Dunya Uyghur qurultiyining programma diréktori zumret'ay erkin xanim daniyede Uyghur dewasini anglitishning zor ehmiyiti barliqini, chünki mezkur döletning birleshken döletler teshkilatidiki rolining zor ikenlikini otturigha qoydi.

Dolqun eysa ependi d u q rehberlirining bu qétimqi ziyaritige daniye axbaratining nahayiti qiziqqanliqini ilgiri sürdi.

D u q hey'iti17-mart künimu muhim uchrishishlarni élip baridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet