Д у қ иҗраийә комитети йиғинида “дуня уйғур қурултийиниң 6 айлиқ хизмәт пилани” қобул қилинди

15-Июл чақирилған д у қ иҗраийә комитетиниң тор йиғинида “дуня уйғур қурултийиниң алдимиздики 6 айлиқ хизмәт пилани” қобул қилинди.

Мәзкур тор йиғинида, алди билән дуня уйғур қурултийиниң рәиси долқун әйса әпәнди ечилиш нутқи сөзлигәндин кейин, иҗраийә рәиси өмәр қанат әпәнди вә һәр қайси комитетларниң мудирлири өткән 6 айда қилған хизмәтлири тоғрисида доклат бәргәндин кейин, алдимиздики 6 ай ичидә елип берилидиған хизмәтләр тоғрисида музакирә елип берилди. Узун музакирә нәтиҗисидә “дуня уйғур қурултийиниң алдимиздики 6 айлиқ хизмәт пилани” йиғинға қатнашқан иҗраийә комитети әзалириниң бирдәк авази билән мақуллуқтин өтти вә қурултай рәиси долқун әйса әпәндиниң риясәтчиликидә шу күндин башлап рәсмий иҗра қилинишқа башлиди.

Дуня уйғур қурултийи иҗраийә комитетиниң рәиси өмәр қанат әпәндиниң риясәтчиликидә өткүзүлгән йиғинға дуня уйғур қурултийи рәһбәрлири вә һәр қайси комитетларниң мудирлиридин болуп 35 киши иштирак қилди. Мәзкур йиғин 8 саәттин артуқ елип берилди. Йиғинда д у қ та сақлиниватқан мәсилиләрму оттуриға қоюлди.

Йиғин ахирлашқандин кейин бу һәқтә телефон зияритимизни қобул қилған д у қ рәиси долқун әйса әпәнди, буниң дуня уйғур қурултийиниң 7-нөвәтлик вәкилләр йиғинидин кейин чақирилған 3-нөвәтлик иҗраийә комитети йиғини икәнликини, йиғинда муһим мәсилиләрниң музакирә қилинип, хизмәт пилани түзүп чиқилғанлиқини баян қилип мундақ деди: “дуня уйғур қурултийи өзиниң низамнамисидә бәлгиләнгән бәлгилимә вә узун йиллардин буян давамлаштуруп келиватқан хизмәт пиринсипи бойичә дуня уйғур қурултийи иҗраийә комитети әзалири һәр 6 айда бир қетим бир йәргә җәм болиду. Бу йиғинда өткән 6 айлиқ хизмәтни хуласилигәндин кейин, кейинки 6 айлиқ хизмәт пилани түзүп чиқилиду. Биз бу қетимқи дуня уйғур қурултийиниң 7-нөвәтлик қурултийиниң 3-нөвәтлик иҗраийә йиғинини тор билән ечишқа мәҗбур болдуқ. Буниң сәвәби иқтисадий җәһәттин вә вақит җәһәттин теҗәш. Д у қ иҗраийә комитетиниң әзалириниң көпи халисанә хизмәт қиливатиду. Хизмәт орунлиридин рухсәт елишлириму қейин болғачқа тор арқилиқ ачтуқ.”

2023-Йили 7-айниң17-күнидин тартип рәсмий иҗра қилинишқа башланған мәзкур хизмәт пилани қайси мәзмунларни өз ичигә алған? бу соалимизға дуня уйғур қурултийи иҗраийә комитетиниң рәиси өмәр қанат әпәнди җаваб бәрди. У, мәзкур йиғинда хитайниң һазир хәлқарада күнсайин күчийиватқан ялған тәшвиқатиға қандақ тақабил туруш тоғрисида нуқтилиқ музакирә елип берип, хизмәт пилани түзүлгәнликини тәкитлиди.

Америка башчилиқидики бир қисим ғәрб дөләтлири2022-йили 10-айниң 1-күни б д т кишилик һоқуқ кеңишиниң уйғурлар һәққидики доклатида баян қилинған вәһшийликләргә қарита мустәқил тәкшүрүш елип бериш-бармаслиқ вә уйғурлар мәсилисини мәхсус музакирә қилиш тоғрисида б д т ға бир тәклип лайиһәси сунғаниди. Мәзкур лайиһәниң нәтиҗиси10-айниң 6-күни б д т да беләт ташлаш арқилиқ бәлгиләнгәниди. Б д т кишилик һоқуқ кеңишигә әза 47 дөләт ичидин америка башлиқ ғәрб демократик дөләтлири 17 авазға, хитай вә униң тәрәпдарлири 19 авазға еришкән. 11 Дөләт аваз бериштин ваз кәчкәниди.

15-Июл күни чақирилған 3-нөвәтлик иҗраийә комитети йиғинида алдимиздики 6 ай ичидә, д у қ ниң б д т дики паалийәтлирини күчәйтип, мәзкур қарар лайиһәсини қайта күн тәртипкә елип келиш үчүн тиришчанлиқ көрситиш, уйғур мәсилисини дуняниң күнтәртипидә қайта күчләндүрүш үчүн паалийәт елип бериш қарар қилинған. Иҗраийә комитети рәиси өмәр қанат әпәнди бу һәқтә мәлумат бәрди.

Дүня уйғур қурултийиниң тәшкилий ишларға мәсул муавин рәиси пәрһат муһәммиди әпәнди 3-нөвәтлик иҗраийә комитети йиғинида дуня уйғур қурултийиниң тәшкилий мәсилилири вә башқа тәшкилатлар билән болған мунасивити тоғрисидиму музакирә елип берип, бу һәқтиму қарар қобул қилғанлиқини илгири сүрди.

Дуня уйғур қурултийи 2004-йили 4-айниң 16-күнидин 19-күнигичә германийәниң мюнхен шәһиридә чақирилған 1-нөвәтлик вәкилләр қурултийида шәрқий түркистан (уйғуристан) миллий қурултийи билән дуня уйғур яшлири қурултийиниң бирлишиши билән қурулған болуп, мәзкур қурултай 19 йилдин буян өз паалийәтлирини актип елип бармақта.