D u q hey'iti finlandiye parlaméntida uchrishishlarda boldi

Bérndin ixtiyariy muxbirimiz hebibulla izchi teyyarlidi
2024.05.24
duq-finlandiye-1.jpg D u q ning re'isi dolqun eysa bashchiliqidiki hey'et her qaysi teshkilat wekilliri we bir qisim Uyghurlar bilen xatire sürette. 2024-Yili 22-may, xélsinki, finlandiye.
RFA/Hebibulla Izchi

Finlandiyede üch künlük pa'aliyet élip bériwatqan dunya Uyghur qurultiyi re'isi dolqun eysa bashchiliqidiki d u q hey'iti 22-may küni finlandiye parlaméntida bir qatar muhim uchrishishlarda bolghan. Shundaqla finlandiye parlaméntida Uyghur mesilisi we xitayning dawam qiliwatqan irqiy qirghinchiliqi heqqide melumat bérish birge finlandiyening Uyghur irqiy qirghinchiliqini tonushi heqqide teklipler sun'ghan.

Dolqun eysa 22-may finlandiye parlaméntida élip barghan pa'aliyetliri heqqide melumat bérish bilen birge finlandiyening Uyghur irqiy qirghinchiliqini tonushining muhimliqini tekitlidi.

D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide d u q ning re'isi dolqun eysa ependi söz qilmaqta. 2024-Yili 22-may, xélsinki, finlandiye.
D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide d u q ning re'isi dolqun eysa ependi söz qilmaqta. 2024-Yili 22-may, xélsinki, finlandiye.
RFA/Hebibulla Izchi

Shu küni chüshtin kéyin yene xelq'ara hemkarliq teshkilati, xelq'ara kechürüm teshkilati, finlandiye kishilik hoquq teshkilati qatarliq xelq'araliq teshkilatlar we finlandiye parlaméntining wekillirining qatnishishida guwahliq söhbiti élip bérilghan. Bu söhbetke finlandiye yéshillar partiyesidin inka xopsu, finlandiye partiyesi, xiristiyan démokratlar partiyesi qatarliq partiyelerning bezi parlamént ezalirining wekilliri kélip qatnashqan. Söhbet jeryanida finlandiyediki xitayning chégra halqighan basturushliri, Uyghur irqiy qirghinchiliqini finlandiyede tonutush üchün néme qilish kérek? dégen témida, so'al-jawab élip bérilghan.

D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide finlandiye yawropa parlaménti wekili parlamént ezasi héydi ha'utala(Heidi Hautala) xanim söz qilmaqta söz qilmaqta. 2024-Yili 22-may, xélsinki, finlandiye.
D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide finlandiye yawropa parlaménti wekili parlamént ezasi héydi ha'utala(Heidi Hautala) xanim söz qilmaqta söz qilmaqta. 2024-Yili 22-may, xélsinki, finlandiye.
RFA/Hebibulla Izchi

Bu söhbetke riyasetchilik qilghan xelq'ara hemkarliq teshkilati mes'ulliridin pezilet xanim, bu söhbet heqqidiki tepsilatlarni tonushturdi.

Dolqun eysamu, yéqinda yawropa parlaméntining saylimi bolidighanliqi, bu seweb bilen bu saylamdin burun finlandiye xelqige Uyghur irqiy qirghinchiliqini toxtitishta finlandiye hökümiti we xelqidin kütidighan ümidlirini xatirilitish üchün bu pa'aliyetni élip barghanliqini bildürdi.

D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide lagér shahiti qelbinur sidiq xanim guwahliq bermekte. 2024-Yili 22-may, xélsinki, finlandiye.
D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide lagér shahiti qelbinur sidiq xanim guwahliq bermekte. 2024-Yili 22-may, xélsinki, finlandiye.
RFA/Hebibulla Izchi

Bu guwahliq söhbiti jeryanida yene dunya Uyghur qurultiyi xelq'ara munasiwetler diréktori zumret'ay erkin bilen lagér shahiti qelbinur sidiq xanim Uyghur ayallirining duch kéliwatqan paji'elik qismetliri we xitayning jaza lagérliridiki ziyankeshliklirini tonushturup ötken bolup, zumret'ay erkinmu bu heqte qisqiche toxtilip ötti.

D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide xelq'ara hemkarliq teshkilatidin yash Uyghur qizi pezilet söz qilmaqta. 2024-Yili 22-may, xélsinki, finlandiye.
D u q ning re'isi dolqun eysa bashchiliqidiki hey'et finlandiyede élip barghan pa'aliyetlirining bir bolghan guwahliq söhbitide xelq'ara hemkarliq teshkilatidin yash Uyghur qizi pezilet söz qilmaqta. 2024-Yili 22-may, xélsinki, finlandiye.
RFA/Hebibulla Izchi

Dunya Uyghur qurultiyi bu qétimqi finlandiyediki pa'aliyitini, xelq'ara hemkarliq teshkilati, xelq'ara kechürüm teshkilati, finlandiye kishilik hoquq teshkilati, finlandiye ishchilar hoquqi teshkilati qatarliq teshkilat we xelq'araliq organlar bilen birlikte élip barghan bolup, bu pa'aliyetler finlandiyediki her qaysi axbarat wasitiliridimu xewer qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.