D u q wekilliri latin amérikasi döletliride Uyghur irqiy qirghinchiliqini étirap qildurush pa'aliyiti bashlighan

Enqeredin ixtiyariy muxbirimiz erkin tarim teyyarlidi
2023.05.26
duq-biraziliye-1 D u q re'isi dolqun eysa ependi bashchiliqidiki hey'et biraziliyede. 2023-Yili 25-may.
RFA/Erkin Tarim

Latin amérikasi döletliridin biraziliyedin ziyaritimizni qobul qilghan d u q re'isi dolqun eysa ependining bildürüshiche, 5 kishidin terkib tapqan d u q ning bir wekiller ömiki 25-maydin étibaren latin amérikasi döletliride 2 hepte dawam qilidighan pa'aliyetlirini bashlighan. Uning bildürüshiche, ularning bu qétimqi latin amérikasidiki ziyaritining asasliq meqsiti Uyghur irqiy qirghinchiliqini bu döletlerde anglitish arqiliq, hökümetler, ammiwi teshkilatlar, axbarat organliri we xelq-ammisining diqqitini Uyghur qirghinchiliqigha tartish iken.

D u q re'isi dolqun eysa, ijra'iye komitéti mudiri ömer qanat ependi we bayanatchi zumretay erkin qatarliqlardin terkib tapqan wekiller ömiki25-may küni biraziliye tashqi ishlar ministirliqining munasiwetlik mes'ulliri, bezi parlamént ezaliri, biraziliyediki eng chong adwokatlar birliki mes'ulliri we bezi kishilik hoquq teshkilatlirining mes'ulliri bilen körüshüp Uyghur irqiy qirghinchiliqi toghrisida teyyarlan'ghan doklatlarni sun'ghan. Ular hem nöwette dawam qiliwatqan Uyghur irqiy qirghinchiliqini qandaq qilip biraziliyening kün tertipige élip kirgili bolidu? dégen mesilini nuqtiliq muzakire qilghan.

Dolqun eysa ependining bildürüshiche, Uyghur irqiy qirghinchiliqini latin amérikasi we afriqa elliridimu étirap qildurushning yollirini échish, d u q ning nöwettiki muhim pa'aliyet programmilirining biriken.

D u q re'isi dolqun eysa ependi bashchiliqidiki hey'et biraziliyede. 2023-Yili 25-may.

D u q re'isi dolqun eysa ependi latin amérikasi döletliride dawam qiliwatqan ziyaretliri toghrisida ziyaritimizni qobul qilghanda, bu 2 heptilik ziyaretning meqsiti heqqide toxtaldi. U mundaq dédi: “Uyghur irqiy qirghinchiliqini bezi yawropa döletliri bilen amérika étirap qilghan. Metbu'atlirida orun alghan we xelq teripidin bolsun, xelq'ara teshkilatlar teripidin bolsun bilin'gen, xitay bilen bolghan munasiwetliridimu otturigha qoyulup kéliwatqan bir mesilidur. Emma latin amérikasi, afriqa we bir qisim musulman döletliride bu mesile yéterlik derijide köngül bölüsh bolmaywatqan. Shunga biz 2021-yili chaqirilghan dunya Uyghur qurultiyining 7-nöwetlik omumiy qurultiyida élin'ghan qarargha bina'en latin amérikasi'idiki döletlerge bu ziyaretni orunlashturduq”.

Ömer qanat ependi birazilyening paytextide tashqi ishlar ministirliqining yuqiri derijilik rehberliri we parlamént ezaliri bilen uchrishish élip barghanliqini, ular bilen bolghan söhbetning netijilik bolghanliqini tekitlidi.

Latin amérikasidiki döletlerning xitay bilen bolghan munasiwiti yéqin bolup, bu döletlerning birleshken döletler teshkilatidimu zor salmaqni igileydiken. Dolqun eysa ependi bu döletlerde yaxshi anglatsa bu döletlerning qollishigha érishkili bolidighanliqini tekitlidi.

D u q re'isi dolqun eysa ependi bashchiliqidiki hey'et biraziliyede. 2023-Yili 25-may.

Dunya Uyghur qurultiyi bayanatchisi zumretay xanim biraziliyening diktatorluq tüzümdin 1985-yili qutulghan dölet ikenlikini, ammiwi teshkilatlarning rolining zor ikenlikini, shunga bu döletlerde Uyghur qirghinchiliqini anglitishning paydiliq bolidighanliqini tekitlidi.

2022-Yili 8-ayning 17-küni, en'gliye xelq'ara qanun adwokati maykol polak (Michael Polak), argénténaliq adwokatlardin gebri'él kawallo (Gabriel Cavallo), xu'an néto ju'an ni'eto xu'an) néto Juan Nieto) qatarliqlar dunya Uyghur qurultiyi we Uyghur kishilik hoquq qurulushigha wakaliten, latin amérikasi döletliridin argéntina jinayi ishlar sotigha xitayning irqiy qirghinchiliq jinayiti üstidin erz sun'ghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.