D u q rehberliri amérika diplomatliri bilen tor söhbiti élip bardi

Ixtiyariy muxbirimiz ekrem
2020-11-10
Share
duq-amerika-diplomat-tor-yighin.jpg D u q re'isi dolqun eysa bashchiliqidiki qurultay rehberliri amérika tashqi ishlar ministiri mayik pompiyoning meslihetchisi ulrik brehbul ependining teklipi bilen tor yighini ötküzmekte. 2020-Yili 9-noyabir, gérmaniye.
RFA/Ekrem

D u q rehberliri amérika tashqi ishlar ministirliqining muhim erbabliri bilen Uyghurlar mesilisi toghrisida söhbet élip bardi.

9-Noyabir gérmaniyege xizmet munasiwiti bilen kelgen amérika tashqi ishlar ministirliqi konsullar komitétining mudiri, amérika tashqi ishlar ministiri mayik pompiyoning meslihetchisi ulrik brehbul ependining teklipi bilen d u q re'isi dolqun eysa bashchiliqidiki qurultay rehberliri arisida tor söhbiti bolup ötken. Söhbet amérikaning bérlindiki bash elchixanisi bilen myunxéndiki konsulxanisi arisida élip bérilghan. Söhbetke amérikaning myunxéndiki bash konsuli mégan giregons xanim qatarliqlarmu ishtirak qilghan.

D u q re'isi dolqun eysa ependining bildürüshiche, bu qétimqi söhbette sherqiy türkistanning nöwettiki éghir weziyiti asasliq téma bolghan. Söhbet jeryanida ereb, islam dunyasining sükütliri we buni qandaq buzush mesilirimu muzakire qilin'ghan. Ulrik brehbul ependi sözide, amérika hökümitining Uyghurlar mesilisige dawamliq ige chiqidighanliqini eskertip ötken.

Bu qétimqi söhbettin amérika tashqi ishlar ministiri mayik pompiyuningmu xewiri bolghan. Ulrik brehbul ependi söhbet xatimiside mayik pompiyoning Uyghurlargha yollighan salimini yetküzgen. Dolqun eysa ependimu Uyghurlarning mayik pompiyoni intayin yaxshi köridighanliqini éytqan. Ulrik brehbul ependi bolsa "Mayik pompiyomu Uyghurlarni intayin yaxshi köridu" dep jawab bergen.

Bu qétimqi tor söhbitige d u q ning programma yétekchisi zumret'aymu qatnashqan bolup, u söhbetning mol mezmunluq, tesirlik ötküzülgenlikini tilgha aldi.

Melum bolghinidek, aldinqi bir hepte amérikaning gérmaniyediki bash elchixanisi we myunxéndiki konsulxanisi birlikte "Uyghur heptiliki" pa'aliyiti ötküzgen bolup, tor söhbiti sheklide ötküzülgen bu pa'aliyetmu elchixana we konsulxanining tor sehipisi arqiliq ijtima'iy taratqularda keng tarqilip yaxshi tesir qozghighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet