Qirghizistan Uyghurliri 7-nöwetlik d u q wekillirini saylap chiqti

Ixtiyariy muxbirimiz féruze
2021.08.24
Share on WhatsApp
Share on WhatsApp
Qirghizistan Uyghurliri 7-nöwetlik d u q wekillirini saylap chiqti D u q ning 7-nöwetlik qurultiyigha qatnishidighan wekillerni saylap chiqish pa'aliyitide qirghizistan Uyghurliri “Ittipaq” jem'iyitining re'isi esqer qasimof nutuq sözlimekte. 2021-Yili 22-awghust, bishkek,
RFA/Féruze

22-Awghust küni dunyaning her qaysi jaylirida yashawatqan Uyghur jama'iti 7-nöwetlik duniya Uyghur qurultiyi wekillirini saylash pa'aliyiti ötküzüdi. Shu qatarida qirghizistan Uyghurlirimu bishkek shehiridiki alamédin mehellisige jem bolup, öz wekillirini saylash pa'aliyiti ötküzdi.

Saylam pa'aliyiti qirghizistan Uyghurliri “Ittipaq” jem'iyiti we duniya Uyghur qurlti'ining qirghizistandiki wakalatchisi rozimuhemmet abdulbaqiyéfning rehberlikide uyushturuldi. Mezkur pa'aliyetke bishkek shehiri we uning etrapidiki Uyghurlar zich olturlashqan yéza-sheherlerning wekilliri, ayallar komitéti, aqsaqallar komitéti we jama'et erbabliri bolup, ikki yüzge yéqin kishi qatnashti. Mezkur pa'aliyet pelsepe penlerning kondidat namzati, “Ittipaq” gézitining muherriri ekbarjan bawudunofning riyasetchilikide élip bérildi. Yighinda d u q 7-nöwetlik wekiller qurultiyining ehmiyiti, shundaqla kéyinki yillarda d u q élip barghan pa'aliyetliri hemde érishken muweppeqqiyetliri keng tonushturuldi. Yighinda dawamida yene qirghizistan Uyghurliri “Ittipaq” jem'iyitining sabiq re'isi dilmurat ekberof d u q re'isi dolqun eysa imzalaghan teshekkürnamilerni teqdim qildi.

D u q ning 7-nöwetlik qurultiyigha qatnishidighan wekillerni saylap chiqish pa'aliyitidin körünüsh. 2021-Yili 22-awghust, bishkek, qirghizistan.
D u q ning 7-nöwetlik qurultiyigha qatnishidighan wekillerni saylap chiqish pa'aliyitidin körünüsh. 2021-Yili 22-awghust, bishkek, qirghizistan.

Igilinishiche, d u q re'isi dolqun eysa ependi bu qétimqi qurultaygha meyli qaysiy dölette yashisun yaki qandaq siyasiy közqarashqa ige bolsun, weten we milliti üchün xizmet qilishni xalaydighan barliq Uyghurlargha dunya Uyghur qurultiyining ishikining ochuq ikenlikini tekitligen. Qirghizistandiki Uyghurlar d u q re'isi dolqun eysa ependining bu chaqirighigha awaz qoshup, bu qétimki qurultaygha wekil bolush üchün aktipliq bilen öz namzatlirini körsetken, d u q qirghizistandin 10 neper wekil saylashqa san bergen.

Dunya Uyghur qurltiyining qirghizistandiki wakalatchisi rozimuhemmet abdulbaqiyéf radiyomiz ziyaritimizni qobul qilip, 7-nöwetlik wekiller qurultiyigha wekkillerni saylash we resmiy tedbirlerni élip bérish üchün mexsus bir teptish qurulghanliqi, deslepte qurultuygha wekil bolush üchün 27 kishining özini namzatliqqa körsetkenlikini bayan qilip ötti.

Qirghizistanda Uyghur tilida neshr qilinidighan birdinbir gézit- “Ittipaq” géziti muhajirettiki Uyghurlarning milliy musteqiliq yolida élip bériwatqan pa'aliyetliri toghrisida nurghun melumatlarni bermekte, shu jümlidin d u q ning 7-nöwetlik wekiller qurultiyi toghrisidimu mezkur gézitte toluq melumat bérildi. Saylam pa'aliyiti dawamida qirghizistan Uyghurliri “Ittipaq” jem'iyitining re'isi esqer qasimof nutuq sözlep, “Ittipaq” jem'iyitining qirghizistandiki Uyghur jama'iti üchün élipo barghan pa'aliyetliri we d u q ning pa'aliyetliri heqqide melumat berdi.

Mezkur pa'aliyetke qatnashqan “Ittipaq” jem'iyiti aqsaqallar kéngishining ezasi abduqéyim roziyéf ependi ziyaritimizni qobul qilip, 7-nöwetlik wekiller qurultiyigha aliy bilimlik we tejribilik wekiller saylan'ghanlighini tilgha aldi. U dunya Uyghur qurultéyining bu yil noyabirda échilidighan 7-nöwetlik saylimidin zor ümidler kütidighanliqini bildürdi.

Qirghizistan, qazaqstandin qalsa ottura asiyada Uyghurlar bir qeder köp we zich olturlashqan bir memlikettur. Qirghizistandiki Uyghurlar Uyghur xelqining milliy musteqilliq küreshliri yolida özlirining imakaniyiti yar bergen da'iride türlük tirishchanliqlarni körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.