D u q wekilliri jenwe we warshawadiki xelq'ara yighinlarda Uyghurlar mesilisini tonushturdi

Ixtiyariy muxbirimiz erkin tarim
2019-09-18
Élxet
Pikir
Share
Print
D u q re'isi dolqun eysa ependi "Xitayda ammiwi heriketlerning basturulushi we buning yawropa bixeterlik we hemkarliq teshkilatigha eza bolghan döletlerge bolghan tesiri" mawzuluq yighinda. 2019-Yili 18-séntebir, warshawa, polsha.
D u q re'isi dolqun eysa ependi "Xitayda ammiwi heriketlerning basturulushi we buning yawropa bixeterlik we hemkarliq teshkilatigha eza bolghan döletlerge bolghan tesiri" mawzuluq yighinda. 2019-Yili 18-séntebir, warshawa, polsha.
RFA/Erkin Tarim

Jenwediki b d t kishilik hoquq kéngishining 41-nöwetlik da'imiy yighini bilen polshaning paytexti warshawada chaqirilghan yawropa bixeterlik we hemkarliq teshkilati yighinida Uyghurlar mesilisi otturigha qoyuldi.

18-Séntebir küni chüshtin kéyin b d t ning jenwediki zalida ötküzülgen 41-nöwetlik da'imiy yighinda dunya Uyghur qurultiyigha wakaliten pétir irwén ependi söz qilip Uyghurlar duchar boluwatqan éghir weziyetni anglatqan. U nutqida xitayning Uyghurlarni lagérlargha solighanliqi qatarliq mesililerni otturigha qoyghanliqini bayan qilip, mundaq dédi: "Men bügün b d t ning 41-nöwetlik kishilik hoquq da'imiy yighinida sözlidim. Bu yerde köp sanda Uyghurning lagérgha solan'ghanliqini, lékin xitay hökümitining bolsa biz bularni terbiyelewatimiz dep yalghan sözlewatqanliqini, Uyghurlargha éghir bésim ishlitiwatqanliqini anglattim".

Péter irwin ependi 18-séntebir küni bulardin sirt xitaygha tesir körsiteleydighan chong döletlerning b d t diki wekilliri bilen körüshkenlikini bayan qilip mundaq dédi: "Bügün b d t diki xitaygha gep qilalaydighan firansiye, awstraliye we shiwétsiyege oxshash döletlerning b d t diki xadimliri bilen uchrashtim. Uchrishishta xitayning Uyghurlargha élip bériwatqan bésim siyasitini anglattim. Bulardin bashqa xitaydin kelgen saxta insan heqliri teshkilatlirining shinjangda insan heqliri depsendichiliki yoq dep anglitiwatqan yighinlargha ishtirak qilip, xitaylardin so'al soridim".

Bügün 18-séntebir küni d u q re'isi dolqun eysa ependi yawropa bixeterlik we hemkarliq teshkilatining polshaning paytexti warshawada chaqirghan "Xitayda ammiwi heriketlerning basturulushi we buning yawropa bixeterlik we hemkarliq teshkilatigha eza bolghan döletlerge bolghan tesiri" mawzuluq yighin'gha ishtirak qilghan. U, bu heqte melumat berdi.

Yawropa bixeterlik we hemkarliq teshkilati 1970-yili qurulghan bolup, sowét ittipaqi parchilan'ghandin kéyin qazaqistan, qirghizistan, özbékistan we türkmenistan'gha oxshash türkiy jumhuriyetlermu eza bolghan. Warshawada chaqirilghan "Xitayda ammiwi heriketlerning basturulushi we buning yawropa bixeterlik we hemkarliq teshkilatigha eza bolghan döletlerge bolghan tesiri" mawzuluq yighinda sözligen d u q re'isi dolqun eysa ependi nuqtiliq halda xitayning Uyghur diyarida qurghan jaza lagérlirigha solan'ghan qazaq we qirghizlar toghrisida toxtalghandin sirt xitayning hazir yürgüzüwatqan bésim siyasitining ottura asiya türkiy jumhuriyetlirige bolghan tesiri toghrisidimu toxtalghan.

D u q re'isi dolqun eysa ependi yighin esnasida amérika qoshma shtatliri mu'awin tashqi ishlar ministiri roger karsténs we bezi döletlerning diplomatliri bilenmu uchrashqanliqini tilgha aldi.

D u q rehberlirining b d t diki pa'aliyetliri bir hepte dawam qilidighan bolup, bu bir hepte jeryanida ular köpligen döletlerning birleshken döletler teshkilatidiki elchiliri bilen körüshidiken hemde tibet we démokratik xitaylar bilen birlikte b d t da türlük mezmunlarda yighinlargha qatnishidiken.

Toluq bet