D u q hey'iti yawropa parlaméntida muhim uchrishishlarda boldi

Ixtiyariy muxbirimiz erkin tarim
2019.09.25
duq-Yawropa-Parlament-Ziyariti-Maria-Noichle.jpeg D u q hey'iti yawropa parlamént ezasi mari'a no'ichle xanim (soldin 2-) bilen birge. 2019-Yili séntebir. Biryussél, bélgiye.
RFA/Erkin Tarim

Birleshken döletliri teshkilatida we amérika qoshma shtatlirida yighiwélish lagérliri mesilisi yuqiri derijide küntertipke kéliwatqan bügünki künde duq yawropa parlaméntida bir yürüsh uchrishishlarni élip bardi.

2017-Yili 10-ayda yawropa parlaméntida “Uyghur dostluq guruppisi” tesis qilin'ghan idi. Mezkur guruppining 19 ezasi bar bolup, 2019-yili ötküzülgen yawropa parlaménti saylimida bularning köpi saylinalmighan idi. Duq bu dostluq guruppisini qayta janlandurush, Uyghurlarning hazirqi éghir weziyitini parlamént ezalirigha anglitish, ilham toxti, tashpolat téyip we xalmurat ghopur qatarliq ziyaliylarning mesilisini ulargha anglitip chare izdesh meqsiti bilen yawropa parlaméntida bir yürüsh muhim uchrishishlarni élip barghan. 

Mezkur hey'et 23-séntebir künidin 25-séntebir künigiche köp sanda parlamént ezasi bilen ayrim ayrim uchrashqan. Duq re'isi dolqun eysa ependi bu qétim ziyaritining eng muhim küntertipining yawropa parlaméntidiki “Uyghur dostluq guruppisi” ni qayta küchlendürüsh ikenlikini bayan qildi. 

Yawropa parlaménti 9-ayning béshida yéngi xizmet yilini bashlighan. Dolqun eysa ependi yéngi saylinip kelgen yawropa parlaménti ezalirigha Uyghurlarning hazirqi éghir weziyiti toghrisida melumat bergendin sirt bundin kéyin yawropa parlaméntida élip bérilidighan pa'aliyetler toghrisida muzakire élip barghanliqini dédi. 

Qimmetlik radi'o anglighuchilar, hazir yawropa parlaméntida 2019-yilliq “Saxarof mukapati” gha namzat körsitish élip bériliwatqan bolup, bu qétim ilham toxtini namzat körsitish meqsiti bilen “Ilham toxtini qollash guruppisi”, wakaletsiz milletler teshkilati we dunya Uyghur qurultiyi birlikte yawropa parlaméntigha teleplirini yetküzgen. Dolqun eysa ependi bu heqtimu melumat berdi. 

Duq re'isi dolqun eysa bashchiliqidiki hey'et yawropa parlaméntida élip barghan uchrishishlirida tashpolat téyip bilen xalmurat ghopur mesilisinimu otturigha qoyghan. 

Duq re'isi dolqun eysa ependi 3 kün élip barghan uchrishish netijiside köp sanda parlamént ezasining Uyghur mesilisini qizip anglighanliqi we köngül bölidighanliqini bildürgenlikini, buningdin kéyin “Uyghur dostluq guruppisi” ning téximu küchiyidighanliqigha qarita ishench tughulghanliqini bayan qildi.
Yawropa parlaménti “Uyghur dostluq guruppisi” ning tirishchanliqi bilen 2018-yili 10-ayda yawropa parlaméntida 700 neper parlamént ezasining qollishi bilen Uyghur diyaridiki yighiwélish lagérliri toghrisida 10 maddidin terkib tapqan qarar, 2019-yili 4-ayda ikkinchi qarar maqullan'ghan idi. Duq re'isi dolqun eysa ependi bu heqte melumat berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.