D u q ijra'iye komitéti yighinida “Dunya Uyghur qurultiyi rehberlirining teshkiliy tüzümi” qobul qilindi

25-Mart chaqirilghan d u q ijra'iye komitétining tor yighinida “Dunya Uyghur qurultiyi rehberlirining teshkiliy tüzümi” qobul qilindi.

Mezkur tor yighinida, 16 maddidin terkib tapqan “Dunya Uyghur qurultiyi rehberlirining teshkiliy tüzümi” yighin'gha qatnashqan ijra'iye komitéti ezalirining birdek awazi bilen maqulluqtin ötti we qurultay re'isi dolqun eysa ependining imzasi bilen shu kündin bashlap resmiy ijra qilinishqa bashlidi.

Dunya Uyghur qurultiyi ijra'iye komitétining re'isi ömer qanat ependining riyasetchilikide ötküzülgen yighinda “Dunya Uyghur qurultiyi rehberlirining teshkiliy tüzümi” ning her bir maddiliri üstide 3 sa'ettin artuq muzakire élip bérildi.

“Dunya Uyghur qurultiyi rehberlirining teshkiliy tüzümi” de qurultay rehberlirining teshkiliy jehette diqqet qilishigha tégishlik prinsiplar we xilapliq qilghuchilargha körülidighan chariler nahayiti tepsiliy orun alghan bolup, mezkur tüzüm qurultay rehberlirining siyasiy sezgürlükini ashurush we qurultayning ichki bixeterlikini qoghdashni asasiy meqset qilghan. Mezkur tüzümning ijra qilinishigha qurultay teptish hey'iti nazaretchilik qilidiken. D u q mu'awin re'isi perhat muhemmedi ependi bizge mu heqte melumat berdi.

Bu heqte téléfon ziyaritimizni qobul qilghan d u q re'isi dolqun eysa ependi “Dunya Uyghur qurultiyi rehberlirining teshkiliy tüzümi” ni maqulluqtin ötküzüp yolgha qoyushidiki meqset heqqide toxtaldi. U, mundaq dédi: “Dunya Uyghur qurultiyi 19 yildin buyan künsayin kücheydi, bügün dunyada Uyghur dewasini temsil qilidighan, bu yolda xelq'arada belgilik tesir we hörmetke sazawer bolghan bir teshkilat haligha keldi. Buning bilen birlikte dunya Uyghur qurultiyini yoq qilish we ajizlitish üchün ichki we tashqi jehettin her xil hiyle-mikirlerning boluwatqanliqini körüp turuwatimiz. Bundaq bir teshkilatta wezipe ötewatqan barliq rehberlerning téximu segek bolushi, téximu intizamchan bolushi we xelq'aradiki birdin bir awazi we wekillik rolini ötüshi üchün buningda xizmet qiliwatqan rehberlerning hoshyar bolushi, söz-heriketliride salmaq bolushi, intizamchan bolushi kérek. Gerche bular nizamnamimizda yézilghan. Lékin buning bir yéshimige, tepsiliy izahatigha éhtiyajimiz bar idi. Shunga d u q rehberliri ri'aye qilishqa tégishlik bolghan 16 maddiliq teshkiliy tüzümni etrapliq muzakire qilish netijiside maqullap yolgha qoyduq”.

2023-Yili 3-ayning 25-künidin tartip resmiy ijra qilinishqa bashlan'ghan mezkur teshkiliy tüzüm qaysi mezmunlarni öz ichige alghan? bu so'alimizgha mezkur teshkiliy tüzümni yézip retlep chiqqan dunya Uyghur qurultiyi ijra'iye komitétining mu'awin re'isi semet abla ependi d u q rehberliri ri'aye qilishqa tégishlik qa'ide tüzümler we körülidighan charilerning tepsiliy izahlan'ghanliqini, buning d u q ning bundin kéyinki xizmetliri üchün paydilinishning zor bolidighanliqini tekitlidi.

Qurultay re'isi dolqun eysaning bildürüshiche, d u q 2004-yili sherqiy türkistan (Uyghuristan) milliy qurultiyi bilen dunya Uyghur yashliri qurultiyining birlishishi we eyni zamanda muhajirette pa'aliyet élip bériwatqan sherqiy türkistan ammiwi teshkilatlirining mutleq köp qismining rehberlirining bir yerge kélishi bilen qurulup, özining nishanini'i dunyadiki Uyghur dewasining birdin bir hoquqluq orgini dep békitken bolup, 19 yildin buyan bu meqsetni emelge ashurush üchün tiriship, melum derijide meqsitige yetken.