Чәтәллик яшларниң "әкбәр әсәткә әркинлик" һәрикити зор тәсир қозғимақта

Ихтиярий мухбиримиз азиғ
2021-08-26
Share
Чәтәллик яшларниң Уйғурларниң әң чоң иҗтимаий муназирә вә тартқу тор бекити болған "бағдаш тори" ниң қурғучиси әкбәр әсәтни қутулдуруш үчүн елип берилған паалийәттин көрүнүш. 2021-Йили авғуст, ню йорк.
RFA/Azigh

Уйғурларниң әң чоң иҗтимаий муназирә вә тартқу тор бекити болған "бағдаш тори" ниң қурғучиси әкбәр әсәт хитай даирилири тәрипидин 15 йиллиқ кесиветилгән иди.

Америкада адвокатлиқ кәспи билән шуғуллинидиған әкбәрниң ачиси рәйһан әсәт ханим бир қанчә йилдин буян қериндишини қутулдуруш үчүн хәлқарада юқири сәвийилик тәшвиқат һәрикити тәшкилләп кәлмәктә.

Йеқинда рәйһан әсәт әнгилийидә яш паалийәтчиләрни тәшкилләп "әкбәргә әркинлик" нами астида ню-йорк вә лондонда намайиш паалийити тәшкиллигән. Әнглийәлик вә америкалиқ яшлар муһим рол ойниған мәзкур паалийәттә, яшлар әкбәр әсәт вә әкбәргә охшаш наһәқ тутулған уйғурларға әркинлик тәләп қилған. Мәзкур яшлар йәнә әкбәр әсәткә әркинлик тәләп қилған видио вә сүрәтлик тәшвиқатлар арқилиқ иҗтимаий тартқу вастилирида кәң көләмлик тәшвиқат һәрикити қозғиған.

Уйғурларниң әң чоң иҗтимаий муназирә вә тартқу тор бекити болған
Уйғурларниң әң чоң иҗтимаий муназирә вә тартқу тор бекити болған "бағдаш тори" ниң қурғучиси әкбәр әсәтни қутулдуруш үчүн елип берилған паалийәттин көрүнүш. 2021-Йили авғуст, ню йорк.

Йиллардин буян қериндиши әкбәр әсәтниң әркинлики үчүн күрәш қилип келиватқан рәйһан әсәт ханим зияритимизни қубул қилип, мәзкур паалийәтниң қирғинчилиқ вә кәмситиш болмиған бир дуняда яшашни арзу қилидиған яш балиларниң паалийити икәнликини, уларниң иниси әкбәр әсәтниң һекайисидин интайин тәсирләнгәнликини ейтти.

"әкбәргә әркинлик" һәрикитиниң яш мәсуллиридин Jonathan Gilbert зияритимизни қубул қилип мәзкур паалийәтниң интайин ғәлибилик аяқлашқанлиқини, бундин кийинки паалийәтләр үчүн йиңи пикирләрниң барлиқини ейтти.

"зимистан" ториниң хәвәр қилишичә, аилиси хитай һөкүмитиниң зиянкәшликигә учриған әнглийилик уйғур яш дилназ керим мәзкур паалийәтниң тәшвиқати үчүн муһим рол ойниған. Дилназ керәм ахбарат васитилириниң зияритини қубул қилип, әнглийә һөкүмитидин уйғурларниң йоқап кетиватқан аилә әзалириниң әһвалиға җиддий қаришини тәләп қилған

Өткән һәптә рәйһан әсәтниң йетәклишидики яшлар гуруписи әнглийидики Downing кочисида намайиш қилған. Әнглийилик яшлар әнглийә ташқий ишлар министири доминик раб билән көрүшүшни вә йоқап кәткән аилә әзалирини тепиш үчүн ярдәм беришини тәләп қилған. 18 яшлиқ уйғур қиз дилназ киримниң йоқап кәткән аилә әзалири һәққидики мураҗити әнглийиниң даңлиқ ахбарат қанили BBC да тарқитилған болуп, иҗтимаий тартқу вастиллирида чоң тәсир қозғиған.

Дилназ кәрим зияритимизни қубул қилип, мәзкур паалийәт арқилиқ нурғун чәтәллик яшларниң уйғурларниң нөвәттики әһвали һәққидә әтраплиқ мәлумат алғанлиқини ейтти.

Хитай һөкүмитиниң уйғур елидики қирғинчилиқ сиясәтлири сәвәблик муһаҗирәттики нурғун уйғурлар уруқ-туғқанлиридин айрилип қалған. Хитай һөкүмитиниң зиянкәшликигә учрап, аилилири парчиланған уйғурлар һәр хил паалийәтләр арқилиқ хәлқара җәмийәтниң диққитини уйғур мәсилисигә тартиш үчүн тиришчанлиқ көрситип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт