Uyghur naxsha-muzika tetqiqatchisi elis andérsonning 2018-yildiki Uyghur diyari ziyariti (3)

Muxbirimiz méhriban
2019.03.27
Elise-Anderson-duttar.jpg Nöwette indiyana uniwérsitétida muzika we folklor tetqiqati boyiche doktorluq aspirantliqida oquwatqan elis andérson xanim dutar bilen naxsha orunlimaqta. (Waqti we orni éniq emes)
Social Media

Elis andérson: “Muqam yurti yekende körgenlirim”

Amérikaning indi'ana uniwérsitétida muzika we folklor tetqiqati boyiche doktorluq aspirantliqida oquwatqan elis andérson xanim nöwette Uyghur diyaridiki jaza lagérlirini taqash herikitide Uyghurlar bilen bir septe turup qattiq inkas qayturuwatqan gherblik tetqiqatchilarning biri. Melum bolushiche, elis andérson xanim 2012-yildin 2016-yilghiche ürümchide Uyghur tili we Uyghur naxsha-muzikilirini öginish hemde tetqiq qilish bilen shughullan'ghan. U yene 2012-2013-yillarda ürümchide ötküzülgen “Yipek yoli sadasi” namliq naxsha musabiqisige qatniship, “Nazaket” dégen isim bilen Uyghurlargha tonulghan. Yéqinda radiyomiz ziyaritini qobul qilghan elis andérson xanim özining 2018-yili 6-ay mezgilide Uyghur diyarida élip barghan axirqi qétimliq ziyariti jeryanida körgen-bilgenlirini anglatti. 

Elis andérson xanimning bildürüshiche, xitay saqchiliri uning Uyghur diyari sayahitining 2-békiti bolghan yeken ziyariti üchün aranla 3 sa'et waqit bergen. Halbuki, kochilirida Uyghurlar azlap ketken, hemmila jayni saqchi we qarawullar qaplighan yekende körgenliri uning xatiriside hélihem saqlanmaqtiken. 

Elis xanim “Muqam yurti” dep teriplen'gen yekende körgenlirini eslime qilip, öz tesiratlirini bayan qildi. U 2016-yili xitay hökümitining meblegh sélishi bilen qaytidin yasalghan yeken xan ordisining nöwette sayahetchiler üchün cheklinip, derwazisigha qulup sélin'ghanliqini, altunluqtiki orda meschiti we chilten mazarliqining hazir chölderep qalghanliqini, ilgiriki awat menzirilerdin esermu qalmighanliqini bildürdi. Yeken baziridiki Uyghur tijaretchilerning xéridarsiz chölderep qalghan dukanliri, dukanlarning ishikige békitilgen türme derwazisini eslitidighan salasunluq tömür ishikler, malliri sétilmighanliqi üchün dukanlirida xéridar saqlap olturghan tijaretchilerning mungluq we hesretlik chirayliri uning qelbini ézidu. U ziyaritimiz jeryanida özining bu tesiratlirini anglighuchilirimiz bilen ortaqlashti.

Yuqiriqi awaz ulinishidin mezkur söhbetning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.