Emrullah ekrem: "Ata-anamning ölük-tiriklikini bilmeymen"

Muxbirimiz sada
2019-04-18
Élxet
Pikir
Share
Print
Uyghur yash emrullah ekrem ata-anisining nöwettiki ehwalini ijtima'iy taratqular arqiliq dunyagha ashkarilimaqta. 2019-Yili aprél.
Uyghur yash emrullah ekrem ata-anisining nöwettiki ehwalini ijtima'iy taratqular arqiliq dunyagha ashkarilimaqta. 2019-Yili aprél.
Emrullah Ekrem teminligen

Xitay hökümiti Uyghur diyarida atalmish "Qayta terbiye" lagérlirini berpa qilghandin buyan rayondiki 800 mingdin ikki milyon'ghiche Uyghur we bashqa yerlik milletler bu xildiki lagérning qurbanlirigha aylanmaqta.

Gerche xitay hökümiti rayondiki bu weziyetni izchil tashqi dunyadin yoshurup, uni atalmish "Esebiylikni tügitish", "Térrorluqning aldini élish", "Rayonning ebediy eminlikini ilgiri sürüsh" dep teshwiq qiliwatqan bolsimu, lékin muhajirettiki Uyghurlarning lagérdiki ata-anisi we uruq-tughqanliri heqqide bergen guwahliqliri bu jaylarning xitay hökümiti ilgiri sürgendin tolimu perqliq ikenlikini ayan qilmaqta.

2012-Yili öz hedisi dilxumar ekrem bilen amérikagha oqushqa kelgen, nöwette wirjiniye shtatidiki "Shimaliy wirjiniye ammiwi instituti" (NOVA) da mashinisazliq kespide oquwatqan Uyghur yash emrullah ekremmu ata-anisining nöwettiki ehwalini ijtima'iy taratqular arqiliq dunyagha ashkarilidi.

Yuqiridiki awaz ulinishidin muxbirimizning emrullah ekrem we dilxumar ekrem bilen ötküzgen söhbitining tepsilatini anglighaysiler.

Toluq bet