“Uyghur irqiy qirghinchiliqqa qarshi munber” qurulghan
2021.01.03
Malaysiyadiki bir nechche islamiy teshkilat ochuq xet élan qilip, mexsus Uyghur dewasigha yardem béridighan bir munber qurghanliqini jakarlighan.
Teywendin chiqidighan “Boghuz waqti géziti” ning 1-yanwardiki xewirige qarighanda, “Irqiy qirghinchiliqqa qarshi Uyghur munbiri” namliq bu munberning asasliq meqsiti “Xitayning basturushgha uchrawatqan Uyghur jama'itining qiyinchiliqigha diqqetni merkezleshtürüsh” iken.
Ochuq xette mundaq déyilgen: “Gerche xitay Uyghurlarning naheq mu'amilige uchrighanliqini izchil ret qilip kelgen bolsimu, bizning meydanimiz dunya jama'etchilikining Uyghur mesiliside sükütte turmaydighanliqini namayan qilidu.”
Ular yene mezkur munber arqiliq Uyghur ziyankeshlikke uchrighuchilarning kechmishlirini ashkarilaydiken.
Ochuq xette, musulman elliri we dunya jama'iti Uyghur mesilisini hel qilish meydanida ching turushqa hemde Uyghurlarning insaniy qedir qimmitini xitaydin kélidighan iqtisadiy neplerge tégishmeslikke chaqirilghan.
Ochuq xet malaysiya islam teshkilatliri meslihet kéngishining prézidénti mohd azmi abdul hamid we asiya ölimalar mejlisining bash katipi abdul ghéni samsudin qatarliqlarning imzasida élan qilin'ghan.