Dilnur reyhan: "Firansiye xitayning Uyghurlargha qilghan wehshiylikini irqiy qirghinchiliq, dep atashni oylishishqa mejbur bolmaqta"

Muxbirimiz méhriban
2021-04-01
Share
Dilnur reyhan: Firansiye tashqi ishlar ministiri jen yiwés lé dri'an(Jean-Yves Le Drian) axbarat élan qilish yighinida söz qilmaqta. 2021-Yili 11-mart, parizh, firansiye.
REUTERS

Firansiye tashqi ishlar ministiri jen yiwés lédri'an yéqinda firansiye taratqulirining ziyaritini qobul qilghanda, firansiyening xitayning Uyghurlargha qilghan wehshiylikini "Qirghinchiliq" dep atash üchün oylishishqa hazir ikenlikini bildürgen.

Firansiye finfo radiyosining xewer qilishiche, firansiye tashqi ishlar ministiri jen yiwés ötken jüme küni mezkur radiyogha qilghan sözide, "Bu atalghu bashqurush tewelikidiki atalghu. U sorashqa erziydu, biz bu témida oylishishqa teyyarmiz" dégen.

1-Aprél küni firansiyediki Uyghur pa'aliyetchiliridin "Yawropa Uyghur instituti" ning bashliqi dilnur reyhan xanim ziyaritimizni qobul qilip, bu heqtiki qarashlirini otturigha qoydi.

Dilnur reyhan xanimning bildürüshiche, firansiye tashqi ishlar ministiri jen yiwés lédri'anning firansiyening xitayning Uyghurlargha qilghan wehshiy qilmishini "Qirghinchiliq" dep atash üchün oylishishqa hazir ikenlikini taratqularda ashkara ipadilishige, köp xil amillar seweb bolghan iken.

Uning qarishiche, nöwettiki xelq'ara weziyette, amérika-yawropa döletliride, "Uyghurlar irqiy qirghinchiliqqa uchrighan" liqi étirap qilin'ghan, fransiyesning xitay bilen bolghan munasiwiti yirikleshken.

Firansiye dölet ichi weziyitide bolsa, Uyghurlarni qollash sadaliri barghanche kücheygen.

Dilnur xanim bu heqte toxtilip, "Yawropa Uyghur instituti" diki tetqiqatchilar teyyarlap élan qiliwatqan Uyghur weziyiti heqqidiki xewer-doklatlar, firansiye parlaméntidiki 55 parlamént ezasidin terkib tapqan "Uyghur sepdashliq guruppisi", 250 sheherde qurulghan "Uyghurlarni qollash yashlar guruppisi" qatarliqlarning teshebbusi qatarliq her tereplime amillarning firansiye hökümitining bu mesilini otturigha qoyushigha shara'it hazirlighanliqini bildürdi.

Yuqiriqi awaz ulinishidin programmining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet