Dokturant firqet yunus: méning bu netijilirim bizdin burunqilarning muweppeqiyetlirige sélishturghanda héchnéme emes!
2021.10.07
Gollandiye dilfit téxnologiye uniwérsitétining awi'atsiye kespide doktorluq oqushini dawamlashturuwatqan firqet yunusning ayropilan shawquni heqqidiki maqalisi2021-yili 8-ayda amérika akustika ilmiy tetqiqat jem'iyiti zhurnilida élan qilindi.
Uning mezkur ilmiy maqalisi awi'atsiye kespi sahesi boyiche özige xas yéngi ilmiy pikirlerdin biri hésablinidiken.
Firqet yunus 2018-yilidin bashlap gollandiye dilfit téxnologiye uniwérsitétining awi'atsiye inzhénérliq kespige qobul qilinip doktorluq oqushini bashlighan we oqushini dawam qilip kelmekte idi.
U, aqsu wilayitining kelpin nahiyeside tughulghan bolup, 2007-yili shinjang uniwérsitétining fizika fakultétini püttürgen.
U 2010-yilidin bashlap chet'eldiki oqushlirini dawamlashturush üchün türkiyege kelgen, 2011-yili türkiye istanbul téxnika uniwérsitétining mashinisazliq kespi boyiche oqushqa kirgen.
2016-Yili bélgiye paytexti biryusséldiki erkinlik uniwérsitétining éléktron méxanik inzhénérliqi kespide magistirliq oqughan hem 2018-yili gollandiye dilfit téxnologiye uniwérsitétining awi'atsiye kespige doktorluq üchün oqushqa kirgenidi.
Firqet yunus ependi ziyaritimizni qobul qilip, mezkur ilmiy maqaliside némilerni otturigha qoyghanliqi we Uyghurlar öz wetinide zulumgha uchrawatqan shara'itta, bu maqalisining amérikining nopuzluq pen-téxnika zhurnilida élan qilinishining Uyghurlargha körsitidighan ijabiy tesirliri heqqide toxtaldi.
Axirida u özining kelgüsi heqqidiki pilanliri heqqide toxtaldi.