Германийәдә «германийә ширкәтлири вә уйғурларниң вәзийити» намлиқ йиғин өткүзүлди

Ихтиярий мухбиримиз әкрәм
2020-02-28
Елхәт
Пикир
Share
Принт
Германийәдә өткүзүлгән «германийә ширкәтлири вә уйғурларниң вәзийити» намлиқ йиғиндин көрүнүш. 2020-Йили 270феврал. Ханновер, германийә.
Германийәдә өткүзүлгән «германийә ширкәтлири вә уйғурларниң вәзийити» намлиқ йиғиндин көрүнүш. 2020-Йили 270феврал. Ханновер, германийә.
RFA/Ekrem

27-Феврал германийәниң ханновер шәһиридә «германийә ширкәтлири вә уйғурларниң вәзийити» намлиқ йиғин өткүзүлгән. Йиғинни һакимийәт бешидики партийиләрдин бири болған йешиллар партийәси уюштурған. Мәхсус уйғурлар үчүн тәшкилләнгән бу йиғинға германийә парламентиниң әзаси вә явропа ишлири баянатчиси драгос пансеску, явропа парламентиниң әзаси вийола фон крамон қатарлиқлар риясәтчилик қилған.

«Германийә ширкәтлири вә уйғурларниң вәзийити» намлиқ бу йиғинға уйғурларниң миллий һәрикитини изчил қоллап келиватқан маргарета бавзени өз ичигә алған германийә парламентиниң бир қисим муһим әрбаблири қатнашқандин сирт, германийәдики бәзи нопузлуқ кишилик һоқуқ тәшкилатлириниң вәкиллири, бәзи сода ширкәтлириниң хадимлири һәм сиясий актипларму қатнашқан. Уйғурларға вакалитән д у қ рәиси долқун әйса әпәнди йиғинда доклат тәқдим қилишқа тәклип қилинған. 

Ханновер шәһиридин бүгүн зияритимизни қобул қилған долқун әйса әпәндиниң билдүришичә, германийә ширкәтлириниң, болупму үрүмчидә тармақ ширкити болған волкс-ваген машина завути қатарлиқ хитайниң җаза лагерлири сияситигә бипәрва қараватқан ширкәтләрниң мәсилилири һәмдә уйғурларниң нөвәттики еғир вәзийити бу йиғинниң асаслиқ музакирә темиси болған һәмдә германийә ширкәтлириниң хитайниң уйғурлар үстидин елип бериватқан зулум сиясәтлиригә шерик болмаслиқи тәләп қилинған. 
Долқун әйса әпәндиниң баян қилишичә, вокес-ваген машина ширкитиниң үрүмчидики бир мәсули алдинқи йиллири бейҗиңда мухбирларниң зияритини қобул қилғанда «җаза лагерлиридин хәвирим йоқ» дегәнлики үчүн мәзкур ширкәт еғир бесим астида қалған вә кишилик һоқуқ тәшкилатлириниң қаттиқ тәнқидигә учриған. Бу қетимқи йиғинда бу мәсилиму тәкрар оттуриға қоюлған. 

Йиғинға қатнашқан мәркизи германийәдики тәһдит астидики хәлқләр тәшкилатиниң дериктори улрик делиюс әпәнди бу хусуста зияритимизни қобул қилғанда, бу йиғинда шәрқий түркистандики җаза лагерлири мәсилилири, җаза лагерлириға қамалған уйғур, қазақ қатарлиқ мусулман хәлқләр учраватқан һәқсизлиқлар вә германийә ширкәтлириниң бу зулумларға көз юмуш мәсилилири әтраплиқ талаш-тартиш қилинип өтүлгән. У мундақ дәйду: «йиғинда шәрқий түркистанда давам қиливатқан инсанийәткә қарши җинайәт, җаза лагерлиридики мәҗбури ассимилатсийә вә еғир зулум, кишилик һоқуқниң иқтисадий мәнпәәткә қурбан қилиниш мәсилиси, германийә сода ширкәтлириниң уйғурларниң һәқ-һоқуқиниң дәпсәндә қилинишиға сүкүт қилиши яки көз юмивелиши қатарлиқ көп тәрәплимә мәсилиләр музакирә қилинди. Биз йиғинда хитайниң җаза лагерлирини дәрһал тақап милйонлиған тутқунларни қоюп бериши, шәрқий түркистандики зулумларға хатимә бериши үчүн қандақ бесимларни ишлитиш, немиләрни қилишимиз лазимлиқи тоғрисидиму муһакимиләр елип бардуқ. Җаза лагерлирида меңиси ююливатқан, роһий вә җисманий җәһәттин паҗиәлик хорлашларға учраватқан уйғурларниң балдуррақ өзлириниң инсаний һәқ-һоқуқлириға еришиши лазимлиқини илгири сүрдуқ.» 

Долқун әйса әпәндиниң тилға елишичә, йиғинға қатнашқан германийә парламентиниң әзалири вә кишилик һоқуқ тәшкилатлириниң мәсуллири қилған сөзлиридә германийә һөкүмитиниң әмәлий тәдбирләр арқилиқ хитайға үнүм беридиған шәкилдә бесим ишлитиши лазимлиқини, германийә ширкәтлириниң уйғур дияридики тиҗарий паалийәтлирини тохтитиши лазимлиқини тәкитләшкән.

Йиғин хатимисидә мәтбуат йиғини болуп өткән. Долқун әйса вә германийә парламентиниң бәзи хадимлири ахбарат саһәсиниң соаллириға җавап бәргән. Волкес-вагенға охшаш сода ширкәтләригә мәтбуат бесими шәкилләндүрүшниң зөрүрлики бу йиғинда тәкрарланған.

Пикирләр (0)
Share
Толуқ бәт