Da'iriler ghayib doxtur seyyare nijatning nedilikini a'ilisige 4 yildin kéyin bildürgen, emma téxiche simasini körsitip bérelmigen

Muxbirimiz shöhret hoshur
2021-03-24
Share
Ürümchi dostluq doxturxanisining doxturi seyyare nijat 3 yildin buyan iz-déreksiz ghayip bolghan Ürümchi dostluq doxturxanisining doxturi seyyare nijat xanim. (Waqti we orni éniq emes)
Nadire Nijat teminligen

Ürümchi sheherlik 3-doxturxanining ghayib doxturi seyyare nijat heqqide bu yil yanwarda radiyomiz teripidin ikki parche xewer bérilip, 15 kün ötkende uning hayat ikenliki da'iriler teripidin ghuljadiki ata-ana'isigha uqturulghan. Mezkur a'ile seyyare tutulup 4 yildin kéyin érishken bu tunji xewerdin belgilik derijide memnun bolghan bolsimu, emma téxiche uning bilen ne téléfonda, ne ékranda körüshüshüsh pursitige érishelmigen. Mezkur a'ile nöwette seyyarening hayat ikenliki heqqidiki uchurning toghriliqidinmu gumanlanmaqta.

Ghayib doxtur seyyare nijat tutup kétilgendin kéyin, uning ghuljadiki ata‏-anisi 4 yilghiche uning teqdiri heqqide héchqandaq uchur alalmighan. Seyyare nijatning türkiyediki hedisi we amérikadiki tughqanliri bu yilning béshida ehwalni xelq'aragha ashkarilap, aridin ikki hepte waqit ötkende alaqidar hökümet xadimliri uning ghuljadiki ata-anisini izdep bérip, seyyarening ürümchi birinchi türmide ikenlikini uqturghan we uning pat arida a'ilisi bilen téléfon yaki ékranda körüshtürülidighanliqi bildürülgen.

Seyyarening amérikadiki tughqanliridin rexi haji bu tunji uchurni alghandin kéyin, seyyarening aman-ésenlikidin biraz xatirjem bolghan we seyyarening ata-anisi bilen körüshtürülüshini we salametliki heqqide ijabiy bir uchur élishni kütken. Gerche da'iriler mezkur uchurni 2-ayning otturiliri yetküzgen we hazirgha qeder bir yérim ayche waqit ötken bolsimu, da'irilerning mezkur wedisi téxiche emeliyleshmigen. Seyyarening ghuljadiki ata-anisi téxiche seyyare bilen ne ikranda, ne téléfonda körüshüsh pursitige érishelmigen.

Bu ehwal nöwette seyyarening chet eldiki uruq-tughqanlirini, bolupmu uning amérikadiki tughqini rexiy hajini qattiq endishige salmaqta. Rexiy hajining qarishiche, tutqunda ikenliki eng bashta a'ilisige bildürülüp bolghan bir mehbusning 4 yilghichimu délosining xulasisi chiqmasliqi, uning üstige ékran yaki téléfondimu körüshtürülmesliki normal bir ehwal emes, belki qorqunuchluq bir isharet iken.

Uning üstige yéqinqi aylarda lagir shahidi tursun'ay ziyawuduning lagér ichidiki jinsiy zorwanliqlar heqqide bergen bayanatliri rexiy hajining guman we endishilirini téximu kücheytken.

Seyyare nijat heqqide ötken ayning béshida igiligen bir xewirimizde, uning saqchilargha maslashmighanliqi üchün délosining xulasisi chiqmaywatqanliqi we a'ilisi bilen körüshtürlmeywatqanliqi bir saqchi xadimi teripidin tilgha élin'ghan idi. Lagér shahidliri, saqchilarning "Maslashmasliq" dégen bu shikayitini chong-kichik her xil aqiwetler üchün ishlitilidighanliqini ilgiri sürüshken idi.

Nöwette seyyarening chet eldiki uruq-tughqanliri uning hayat ikenliki heqqide da'iriler bergen uchurningmu toghriliqidin gumanlanmaqta. Seyyarening ghayibliqi heqqide eng deslep axbaratqa éghiz achqan rexiy hajim, xelq'ara jama'et we Uyghur teshkilatliridin özlirining seyyare nijatning iz-dérikini qilishigha dawamliq yardemde bolushini telep qilmaqta.

Yuqirida ghayib doxtur seyyare nijatning ehwali xelq'aragha ashkarilan'ghandin kéyin, da'iriler uning nedilikini a'ilisige bildürgen bolsimu, téxiche séymasini körsitip bérelmeywatqanliqi heqqide melumat berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet