Ғулҗада җиддий қутқузуш мулазимитидә “дөләт тили” ла қоллинилған, өлүм-йетимлар йәнә давам қилмақта

Мухбиримиз шөһрәт һошур
2022.09.30
Share on WhatsApp
Share on WhatsApp
Уйғурлар юқум қамали сәвәблик иқтисадий вә турмуш кризисиға йүзләнмәктә Уйғур дияридики юқумни баһанә қилип қамал қилишта аһалиләрниң ишиклирини сим вә төмүр қозуқ билән сиртидин тақиған көрүнүш. 2022-Йили сентәбир.
Social Media

Ғулҗада вирус қамалиниң бир қисим җайларда бикар қилинғанлиқи хәвәр қилинған болсиму, әмма қамал сәвәб болған ачлиқ өлүмлири йәнила давам қилмақта.

Мухбиримизниң телефон зиярәтлири давамида ашкарилинишичә, ғулҗада қамал мәзгилидики бу өлүм һадисилириниң көпийишигә, 120 җиддий қутқузуш мулазимитидә уйғур тилиниң қоллинилмаслиқиму бәлгилик рол ойниған. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.

Иҗтимаий таратқулардин мәлум болушичә, ғулҗада гәрчә қамалниң пәйдин-пәй бикар қилинидиғанлиқиниң елан қилинғиниға бир һәптә болған болсиму ачлиқ өлүмлири йәнила давам қилмақта.

Телефон зиярәтлиримиздин мәлум болушичә, ачлиқ өлүмлириниң көпийип кетишигә ғулҗада җиддий қутқузуш қоманданлиқ штабида уйғур тили мулазимитиниң болмаслиқиму бәлгилик рол ойниған. Мәзкур қоманданлиқ штабидики бир нөвәтчи хадимниң дейишичә, бу орунда уйғур тиллиқ мулазимәт йоқ болуп, аһалиләр җиддий әһвалға дуч кәлсә, аввал кәнт мәсуллириға телефон қилиши, кәнт мәсуллири өзлири яки тәрҗиман арқилиқ җиддий қутқузуш бөлүмигә әһвални мәлум қилиши керәк икән. Мәлум болушичә тил қийинчилиқи еғир ағриқларниң қутқузушқа мураҗиәт қилишини бәзидә бирқанчә саәт, бәзидә бирқанчә күн кечиктүргән.

Мана мушундақ қийинчилиқлар қорғас наһийәсиниң сүйдүң базиридиму өлүм йетим ишлириға сәвәб болғаникән. Сүйдүң базиридики икки нәпәр кәнт кадириниң ашкарилишичә, 1-кәнт аһалилиридин сәмәт, ғясидин қатарлиқ кишиләр, ачлиқтин кесәл болуп еғир мағдурсизланған вә қамал бошиғандин кейин дохтурханиға апирилған болсиму, лекин давалаш кечиккини үчүн үнүм бәрмигән. Булар 24- вә 25-сентәбир күнлири җан үзгән.

Канадада яшаватқан ғулҗа наһийәлик бир муһаҗирниң ашкарилишичә, ғулҗа наһийәсиниң байтоқай йеза йәттәон кәнтидики тохтахун абдул ачлиқтин мағдурсизлинип еғир ағриған. Аяли рәпиләм униң әһвалиниң җиддийликини билдүрүп кәнт мәсуллиридин дохтурханиға апиришни яки яки дохтур чақирип беришини тәләп қилған болсиму, бу тәләп қамал түзүми сәвәблик рәт қилинған. Нәтиҗидә 50 яшлиқ тохтахун абдул 17-сентәбир күни өйидә җан үзгән. Байтоқайдики сақчи хадимлири тохтахун абдулниң қамал мәзгилидә өлгәнликини дәлиллиди.

Исмини ашкарилашни халимайдиған, ғулҗа вәзийитидин хәвәрдар кишиләрниң инкас қилишичә, қамал мәзгилдики өлүм һадисилири ичидә ачлиқтин өлүштин башқа, берилгән намәлум дорилар реаксийә қилиш вә дезинфиксийәдин зәһәрлиниш сәвәблиридин келип чиққан өлүм һадисилириму бәлгилик нисбәт игилигән. Қорғас наһийәсиниң күрә йезисидин телефонимизни қобул қилған бир аяллар мудир өзи башқурушидики тәвәликтә қамал мәзгилидә түгәп кәткәнләрниң көп икәнликини ашкарилиди. Әмма өлгүчиләрниң кимлики вә вә өлүм сәвәблири һәққидә мәлумат беришни рәт қилди вә бу һәқтә алақидар мәсул хадимлардин мәлумат елишимизни тәвсийә қилди.

Юқирида ғулҗида ачилиқтин өлүш һадисиниң йәнә давам қиливатқанлиқи вә өлгүчиләрдин 3 кишиниң кимликлири һәққидә мәлумат бәрдуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.