Голландийәдә хитайға қарши зор көләмлик намайиш вә рәсим көргәзмиси өткүзүлди

Ихтиярий мухбиримиз уйғурай
2021-07-06
Share
Голландийәдә хитайға қарши зор көләмлик намайиш вә рәсим көргәзмиси өткүзүлди "5-июл үрүмчи қирғинчилиқи" ниң 12 йиллиқини хатириләш мунасивити билән өткүзүлгән зор көләмлик намайишидин көрүнүш. 2021-Йили 5-июл, голландийә.
RFA/Uyghur'ay

Голландийәдә яшаватқан уйғур җамаити "5-июл үрүмчи қирғинчилиқи" ниң 12 йиллиқини хатириләш мунасивити билән зор көләмлик намайиш вә рәсим көргәзмиси уюштурди.

7-Айниң 3-вә 4-күнлири явропа шәрқий түркистан маарип җәмийитиниң орунлаштуруши билән "5-июл үрүмчи қирғинчилиқи" ниң 12 йиллиқини хатириләш паалийәтлири өткүзүлди. Буниңда уйғур мәдәнийити вә уйғурлар нөвәттә дуч келиватқан ирқий қирғинчилиқни тонуштуруш үчүн рәсим көргәзмиси өткүзүлди.

Радийойимиз зияритини қобул қилған явропа шәрқий түркистан маарип җәмийитиниң рәиси абдураһман абдулла әпәнди бу паалийәтләр һәққидә учур бәрди.

7-Айниң 4-күни голландийә пайтәхти амистердам шәһиридики дам мәйданида "5-июл үрүмчи қирғинчилиқи" ниң 12 йиллиқини хатириләш мунасивити билән хитайға қарши чоң көләмлик намайиш өткүзүлди. Бу намайишни голландийә шәрқий түркистан тәшкилатлар иттипақи орунлаштурған болуп, намайиш 2 саәт давамлашти.

Бу қетимқи намайишқа җәмий 150 кә йиқин киши қатнашқан болуп, намайиш наһайити җанлиқ вә һәйвәтликшәкилдә өткүзүлди. Радийойимиз зияритини қобул қилған голландийә шәрқий түркистан тәшкилатлар иттипақиниң рәиси обулқасим аблиз әпәнди намайишниң әһмийити һәққидә сөз қилди.

Бүгүн "5-июл үрүмчи қирғинчилиқи" ниң 12 йиллиқ хатирә күни. Нөвәттә уйғур хәлқи хитай даирилириниң ирқий қирғинчилиқиға учрап, тарихтики әң қийин күнләрни бешидин өткүзиватқан болсиму, әмма дуняниң һәр қайсий җайлиридики уйғурлар хитайниң инсанийәткә қарши бу җинайәтлирини пүтүн дуняға аңлитиш үчүн үмидварлиқ вә кәлгүсигә болған ишәнч билән күрәш қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт