Gollandiyediki inishtiyxin shehrining xitaydiki daliyen shehri bli'en dostluq ornitishi Uyghurlarni narazi qildi

5-Ayning 30-küni gollandiyening inishtiyxin shehride gollandiye Uyghur medeniyet teshwiqat merkizining orunlashturushi bilen xittaygha qarshi namayish ötküzülgen.

Bu qétimqi namayish gollandiyediki inishtiyxin shehirining xitaydiki daliyen shehiri bilen dostluq ornitishigha qarshi ötküzülgen bulup, gollandye Uyghur medeniyet teshwiqat merkizi bu ishni ching tutup, gollandiye waqti sa'et 2 de xitaygha qarshi namayish orunlashturghan.

Bu namayishqa gollandiyediki kishilik hoquq pa'aliyetchiliri, türk pa'aliyetchiliri, shundaqla gollandiyede yashawatqan Uyghur siyasiy aktipliri bilen birlikte 150 kishi qatnashqan bulup, namayish 2 sa'et dawamlashqan.

Bu qétiqi namayish jiddiy shekilde ötküzülgen bulup, namayishchilar gollandiye iynishtiyxin sheherlik hökümitining xitaydiki dalyen shehiri bilen dostluq ornitishigha qarshi shu'arlarni towlashqan.

Namayish heqqide ziyaritimizni qubul qilghan gollandiye sherqiy türkistan ma'arip jem'iyitining re'isi eysa qarim ependi namayishning ehmiyiti heqqide toxtaldi.

Melum bolghandek, xitayning Uyghurlargha qaratqan basturushlirigha chapan yapidighan saxta teshwiqatning hessilep küchiyishige qarimay, muhajirettiki Uyghurlar Uyghur mesilisini küntertipke ekilish üchün dawamliq küresh qilmaqta.

Bu pa'aliyetke ishtrak qilghan abduqeyyum jappar ependi Uyghur xelqining zulumgha qarshi élip bériwatqan küreshlirining toxtap qalmaydighanliqini tekitlep ötti.

Pa'aliyetchilerning qarishiche, gollandiye parlaménti Uyghur irqiy qirghinchiliqini étirap qilghan parlaméntlarning biri. Shundaq bolushigha qarimay, xitayning daliyen shehirining gollandiyediki inishtiyxin shehiri bilen dostluq ornitishi jiddiy qarashqa tégishlik bir mesile iken.

Gollandiye sherqiy türkistan ma'arip jem'iyitining re'isi re'isi eysa qarimning éytishiche, gollandiye parlaménti Uyghur irqiy qirghinchiliqini étirap qilghandin kéyin, xitayning golladiyede öz obrazini yaxshilash herkitini kücheytiwatqanliqini mölcherleshke bolidiken. Shunga golladiyede pa'aliyet qiliwatqan Uyghur teshkilarliri xitayning Uyghurlargha qarshi yürgüziwatqan basturush herikitining heqiqiy mahiyitini gollandiye jama'itige tonushturushi shundaqla golladiye hökümitining téxmu küchlük qollishini qolgha keltürüshi, bekmu zörür iken.