Хәлқара кәчүрүм тәшкилатиниң голландийә шөбиси уйғурлар дуч келиватқан ирқий қирғинчилиқни аңлитиш паалийити уюштурған

Ихтиярий мухбиримиз уйғурай
2021-10-25
Share
Хәлқара кәчүрүм тәшкилатиниң голландийә шөбиси уйғурлар дуч келиватқан ирқий қирғинчилиқни аңлитиш паалийити уюштурған Хәлқара кәчүрүм тәшкилати голландийә шөбиси орунлаштурған уйғурлар учраватқан ирқий қирғинчилиқ мәсилиси вә чәт әлләрдики уйғурларниң һазирқи әһвалини аңлитиш паалийитидә мәзкур шөбиниң вәкили ситийин делирик әпәнди(оңда) вә лагер шаһити қәлбинур сидиқ ханим. 2021-Йили 24-өктәбир, голландийә.
RFA/Uyghur'ay

10-Айниң 24-күни хәлқара кәчүрүм тәшкилати голландийә шөбисиниң орунлаштуруши билән голландийәниң утрих шәһридә уйғурлар учираватқан ирқий қирғинчилиқ мәсилиси вә чәт әлләрдики уйғурларниң һазирқи әһвалини аңлитиш паалийити өткүзүлгән.

Бу паалийәткә хәлқара кәчүрүм тәшкилати голландийә шөбисиниң вәкиллиридин башқа йәнә университет оқуғучилири һәм сиясий паалийәтчиләрму қатнашқан.

Хәлқара кәчүрүм тәшкилати голландийә шөбиси орунлаштурған уйғурлар учраватқан ирқий қирғинчилиқ мәсилиси вә чәт әлләрдики уйғурларниң һазирқи әһвалини аңлитиш паалийитидә мәзкур тәшкилатиниң әзаси зәйнидин турсун(оңда) вә лагер шаһити қәлбинур сидиқ ханим. 2021-Йили 24-өктәбир, голландийә.
Хәлқара кәчүрүм тәшкилати голландийә шөбиси орунлаштурған уйғурлар учраватқан ирқий қирғинчилиқ мәсилиси вә чәт әлләрдики уйғурларниң һазирқи әһвалини аңлитиш паалийитидә мәзкур тәшкилатиниң әзаси зәйнидин турсун(оңда) вә лагер шаһити қәлбинур сидиқ ханим. 2021-Йили 24-өктәбир, голландийә.

Бу паалийәткә голландийәдики уйғур паалийәтчиләрдин әхмәтҗан қасим, алерик аблимит вә хәлқара кәчүрүм тәшкилатиниң әзаси зәйнидин турсун, шундақла голландийәдә турушлуқ лагер шаһиди қәлбинур сидиқ ханим қатарлиқлар тәклип билән қатншип, уйғурлар һәққидә доклат бәргән.

Мәзкур паалийәттә хитай һөкүмитиниң уйғурларға йүргүзиватқан ирқий қирғинчилиқ һәққидики лексийә вә муназириләр наһайити қизғин кәйпиятта елип берилған.

Хәлқара кәчүрүм тәшкилати голландийә шөбисиниң вәкили ситәйин дилирик әпәнди бу паалийәтни оронлаштурушқа күч чиқарған кишиләрниң биридур. У мәзкур паалийәттә сөз қилип, алди билән уйғурларниң тарихи һәққидә қисқичә чүшәнчә бәргән. Андин өзиниң илгири уйғур диярини зиярәт қилғанлиқини, у йәрдә бир йилдәк туруш җәрянида өзи көргән вә һес қилғанлирини йиғин қатнашқучилири билән ортақлашқан.

У сөзидә йәнә уйғурларниң һәқиқәтәнму хитай һөкүмити тәрипидин чәткә қеқилипла қалмастин бәлки рәһимсизләрчә бастурушниң нишани болуп яшайдиғанлиқини алаһидә тәкитлигән, шундақла уйғурлар нөвәттә дуч келиватқан қийин вәзийәт һәққидә чүшәндүрүш берип өткән.

Хәлқара кәчүрүм тәшкилати голландийә шөбиси орунлаштурған уйғурлар учраватқан ирқий қирғинчилиқ мәсилиси вә чәт әлләрдики уйғурларниң һазирқи әһвалини аңлитиш паалийитидә(солдин оңға) хәлқара кәчүрүм тәшкилати голландийә шөбисиниң вәкили ситийин делирик әпәнди, лагер шаһити қәлбинур сидиқ ханим вә әхмәтҗан қасим әпәнди. 2021-Йили 24-өктәбир, голландийә.
Хәлқара кәчүрүм тәшкилати голландийә шөбиси орунлаштурған уйғурлар учраватқан ирқий қирғинчилиқ мәсилиси вә чәт әлләрдики уйғурларниң һазирқи әһвалини аңлитиш паалийитидә(солдин оңға) хәлқара кәчүрүм тәшкилати голландийә шөбисиниң вәкили ситийин делирик әпәнди, лагер шаһити қәлбинур сидиқ ханим вә әхмәтҗан қасим әпәнди. 2021-Йили 24-өктәбир, голландийә.

Радийойимиз зияритини қобул қилған қәлбинур сидиқ ханим, хәлқара кәчүрүм тәшкилати орунлаштурған бу қетимлиқ гуваһлиқ бериш паалийитиниң наһайити әһмийәтлик болғанлиқини билдүрди.

Паалийәт ахирлашқандин кейин, голландийәдики "үрүмчи ресторани" ниң хоҗайини зәйнидин турсун әпәнди өз ресторани намидин мәззилик уйғур таамлирини тәйярлап йиғин қатнашқучилириға сунған. Таам җәрянида уйғур мәдәнийити вә уйғур таамлирини тонуштурулған.

Зияритимизни қобул қилған зәйнидин турсун әпәнди өзиниң бу қетим голландийәдә өткүзүлгән "уйғур ирқий қирғинчилиқи" һәққидики паалийәттин алған тәсирати вә бу хилдики паалийәтләрниң уйғурларниң нөвәттики қийин вәзийитини явропадики дөләтләргә аңлитишта ойнайдиған роли һәққидики қарашлирини баян қилип өтти.

Бу йил 26-феврал күни голландийә парламенти хитайниң уйғурлар йүргүзиватқан зулумлирини "ирқий қирғинчилиқ" дәп елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт