“Gugul Uyghur” pa'aliyetchiliri washin'gtondiki Capital One tenterbiye sariyida

Muxbirimiz qutlan
2019.10.31
Share on WhatsApp
Share on WhatsApp

“Gugul Uyghur” pa'aliyetchiliri washin'gtondiki Capital One tenterbiye sariyida

Amérikadiki Uyghur yashliridin teshkillen'gen bir guruppa kishiler 2019-yili 10-ayning 30-küni kechqurun washin'gtondiki Capital One tenterbiye sariyida xitaygha qarshi “Gugul Uyghur” naraziliq pa'aliyiti ötküzdi.

30-Öktebir kechqurun washin'gtondiki Capital One tenterbiye sariyida washin'gton wizard komandisi bilen xyuston rokét komandisi waskétbol musabiqisi ötküzgen idi.

“Gugul Uyghur” dégen namda teshkillen'gen Uyghur yashliri musabiqe bashlinishtin awwal tenterbiye sariyining aldida “Uyghurlargha erkinlik”, “Xongkonggha erkinlik”, “Tibetke erkinlik” dégendek xetler yézilghan taxtaylarni kötürüp, sho'ar towlap küch körsetken. Musabiqe körgili kelgen tamashibinlarning hemmisi ularning naraziliq pa'aliyitini körgen. Musabiqe ariliqidiki qisqa dem élish mezgilide hemmisi birdek qara mayka kiygen Uyghur yashliri tenterbiye sariyining eng égiz supisida qatar tizilip, maykiliridiki latinche herpler bilen “Gugul Uyghur” dégen ikki sözni hasil qilghan. Meydandiki nechche minglighan tamashabinlar bu körünüshni körgen we ularning sho'ar sadalirigha jör bolghan. “Gugul Uyghur” pa'aliyetchilirining bu naraziliq herikiti tünügündin buyan ijtima'iy taratqularda köp chékilip, nechche on minglighan kishiler teripidin körülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.