Heptilik xewerler (15-21 - yanwar)


2005.01.21
Share on WhatsApp
Share on WhatsApp

Uyghur diyaridiki partlashlar

Qurban héyti yétip kélip, hemme musulmanlar shatliqqa chömüwatqan bu künlerde 20-yanwar küni Uyghur diyarining maytagh bilen shixo arisidiki chong yolda kétiwatqan bir minibus partlap, 12 kishining ölgenliki xewer qilindi. Xitay axbarat wastiliri arqiliq tarqitilghan uchurdin melum bolushiche, bu kichik tiptiki aptobus peyshenbe küni chüsh sa'et 1:30 ötkende partlighan bolup, 8 kishi neq meydanda ,töt kishi doxturxanida qaza qilghan. Uchurlargha qarighanda qaza qilghuchilar asasen Uyghurlar iken.

Buningdin bashqa yene oxshash bir künde ürümchi shehirining senshixangza rayonidiki awat bazarda partlash yüz bergen bolup, xitay da'iriliri bu partlashning yol astigha yatquzulghan gaz turubisidin gaz qéchishtin kélip chiqqanliqini bildürgen. Xewerde körsitilishiche yolda kétiwatqan ikki kishi qaza qilghan bir qanche kishi yarilan'ghan.

Uyghurlar qurban héytni tebriklidi

Qurban héyti munasiwiti bilen weten ichi-sirtidiki Uyghurlar qurban héytni tebriklidi. Chet ellerdiki Uyghur jama'itining wekilliri wetendiki Uyghur qérindashlirini héyt bilen qutluqlap salam yollidi. Dunya Uyghur qurultiyining re'isi erkin aliptékin ependi we bashqa erbablar wetenning ichi-sirtidiki Uyghurlarning héytini mubareklidi.

Yene üch neper xitay Uyghur aptonom rayonigha mu'awin re'is boldi

Ötken heptide Uyghur aptonom rayonluq xelq qurultiyining yighin axirliship, yene üch neper xitay emeldari Uyghur aptonom rayonining mu'awin re'islikige békitilish bilen xitay mu'awin re'islerning sani burunqidin ashurulghanliqi heqqide uchur tarqaldi. Xewerlerge qarighanda bu üch mu'awin re'isning ikki nepiri partkom sékritari wang léchüenning yurtdéshi bolup, ular shendong ölkisidin iken. Bu munasiwet bilen chetellerdiki küzetküchiler xitay da'irlirining özliri tüzgen aptonomiye qanunigha xilapliq qilip, atalmish shinjang Uyghur aptonom rayonidiki her derijilik rehbiri hoquqlarni asasiy jehettin xitaylarning qoligha tapshuriwatqanliqini, her qaysi nazaret we organlardiki ishchi xizmetchilerning mutleq köp qisimini xitaylar igilesh bilen birge Uyghur tilining emeldin qaldurughanliqini tenqid qildi.

Türkiye téléwiziyiside Uyghurlargha a'it programma körsitildi

Türkiyidiki eng chong döletlik téléwiziye qanili t r t da 17-yanwar küni"merhaba dunya" sehipisi boyiche mexsus Uyghurlarning tarixi, medeniyiti we hazirqi siyasiy, iqtisadiy ehwaligha a'it programma tonushturuldi. Türkiyidiki eng chong téléwiziye qanilida Uyghurlarning tonushturilishi zor bir yéngiliq bolup, bu téximu köp türklerning sherqiy türkistanni chüshinishi üchün paydiliq iken.

Amérikida prizdéntining qesem bérish murasimi ötküzildi

1-Ayning 20-küni amérika prizdénti jé'orji bushning 2- qétimliq prizdéntliq wezipisini tapshuriwélish qesemyad murasimi washin'gton shehiride ötküzildi. 500 Minn'gha yéqin adem qatnashti dep qariliwatqan bu murasimda bush injilgha sol qolini qoyup turup, amérika aliy sotining bashliqigha resmi qesem bérip, özining amérika xelqighe xizmet qilidighanliqini bildürdi.

Bush yene qisqiche nutuq sözlep, amérikining buningdin kéyinki ichki-tashqi siyasitining muddi'asi heqqide toxtaldi . Amérikining 43-nöwetlik prizdénti hésablinidighan jé'orji bushning bu qétimqi wezipe tapshuriwélish murasimi nahayiti daghdughiliq ötküzülgen bolup, köpligen saqchilar, bixeterlik xadimliri ishqa sélinip, murasimning bixeterliki kapaletke ige qilindi.

Jaw ziyanggha teziye bildürüldi.

Ötken heptide xitayning 1989-yilidiki tyananmén oqughuchilar herkitini qollighanliqi üchün wezipisin qaldurulup, nezerbend qilin'ghan sabiq xitay dölet rehbiri jaw ziyang ölgendin kéyin, xelqara yüzide zor ghul-ghulilar shuningdek uninggha nisbeten bahalar élan qilindi. Xitay da'irlirimu uning üchün depn murasimi ötküzidighanliqini bildürdi, biraq waqti hem shekli heqqide héch néme démidi. Xitay démokratliri jyaw ziyangning démokratiyini qoghdash yolida küresh qilghanliqini mu'eyyenleshtürgen bolsimu, lékin Uyghurlar uning yenila bir xitay milletchisi süpitide Uyghur oqughuchilar herkitini basturghanliqini otturigha qoydi. Bu heqte dunya Uyghur qurultiyining bayanatchisi dilshat réshit mexsus toxtaldi.

Sekkiz xitay iraqta görüge élindi

Ötken heptide iraqta sekkiz neper xitay ishchisi iraqtiki qoralliq guruppilar teripidin görüge éliwélindi. 21- Yanwar küni tarqitilghan bir kasétida qoralliq ademler" xitay hökümitidin buningdin kéyin xitay puqralirini iraqqa ewetmeslik heqqide bayanat élan qilish "ni telep qilghanliqi körsitilgen. Hazirche xitay da'iriliri bu puqralirini qutuldurush üchün herket qiliwatqan bolsimu, lékin hazirche uningdin xewer yoq ,lékin xitay hökümiti öz puqralirini iraqqa barmasliqqa dewet qilghan. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.