Һәптилик хәвәрләр ( 4-майдин 10-майғичә)

Мухбиримиз ирадә
2019-05-10
Елхәт
Пикир
Share
Принт
hepte-20190510.jpg
hepte-20190510.jpg
RFA

Илһам тохти «әркинлик мукапати» ға еришти

Хәлқарадики нопузлуқ кишилик һоқуқ органлиридин болған «әркинлик сарийи» бу йиллиқ әркинлик мукапатини хитай түрмисидики уйғур зиялийси илһам тохтиға беғишлиди.

1943-Йилидин тартип әркинлик вә демократийә саһәсидә авангартлиқ ролини ойниған шәхсләргә берилип келиватқан мукапатниң бу йил илһам тохтиға берилиши муһаҗирәттики уйғурларни сөйүндүрди.

Мукапатниң тарқитиш мурасими 8-май күни вашингтон шәһиридики ритз карлтон меһмансарийида чақирилди. Илһам тохтиға берилгән мукапатни униң қизи җәвһәр илһам тапшуруп алди. Мурасимда илһам тохти, уйғур зиялийлириниң бүгүнки қисмәтлири вә шундақла лагерлар мәсилиси көп қетим тилға елинди.

SNN Мухбирлириниң уйғур елидики йепиқ лагерларни тәкшүрүши тосқунлуққа учриған


Американиң нопузлуқ телевизийә қаналлиридин болған SNN ниң мухбирлири уйғур елидики йепиқ тәрбийә лагерлирини тәкшүрүш үчүн қәшқәр, турпан қатарлиқ җайларға барған.

Улар барғанлики җайда хитай сақчилириниң қатму-қат тосқунлуқлириға учриған. SNN Мухбирлири хитай һөкүмити «қайта тәрбийә мәркизи» дәп атаватқан орунларниң әмәлийәттә тикәнлик сим тосуқ, көзитиш мунари вә башқа мудапийә әслиһәлири билән қоршалған түрминиң өзи икәнликини байқиған.

SNN Мухбири уйғур елидики вәзийәтни «йәр шаридики әң чоң кишилик һоқуқ дәпсәндичиликиниң бири» дәп атиған.

NBA Ниң кәспий мусабиқисидә уйғур серк артиси айгүл мәмәт оюн көрсәтти

7-Май күни канаданиң торонто шәһәр мәркизидики әң чоң тәнтәрбийә залида өткүзүлгән «америка дөләтлик васкетбол җәмийити» (NBA) ниң кәспий мусабиқисидә уйғур серк артиси айгүл мәмәт оюн көрсәткән. Айгүл мәмәт сәһнидә уйғур нахшисиниң тәңкәшликидә юқири техникилиқ серк маһарити орундиған.

Мәзкур мусабиқини 20 миңдин артуқ адәм нәқ мәйдандин көргән болуп, мусабиқә арисида яңриған уйғурчә нахша диққәт қозғиған.

Дуня сәһнисидә йәнә бир қетим уйғурларни тонутқан айгүл «мән бир мәйдан намайиш қилғандәк болдум» дегән. Мәзкур мусабиқә җәряни һәр қайсий телевизийә қаналлирида нәқ мәйдандин тарқитилған.

Рамазан мәзгилидә уйғурларниң вәзийити йәнә тәкитләнди

Пүтүн дуня мусулманлири үчүн хасийәтлик айлардин һесаблинидиған рамазан ейиниң башлиниши билән уйғур дияридики милйонлиған мусулманларниң өзи халиғанчә роза тутуш имканийитиниң болмаслиқи йәнә бир қетим диққәт қозғиди.

Хәлқара кәчүрүм тәшкилати рамазан һарписида «ислам һәмкарлиқ тәшкилати» ға чақириқ елан қилип, мәзкур органни уйғур елидики мусулманларниң диний ибадәт әркинликини қоғдашқа чақирди.

Дуня уйғур қурултийиму 7-май күни баянат елан қилип, хитай һөкүмитиниң уйғурларни лагерларға қамашта диний етиқадни өлчәм қилишниң юқири пәллигә чиқиватқанлиқи, хитай һөкүмитиниң ислам динини «роһий кесәллик» дәп аташ арқилиқ уни пүтүнләй «сүпүрүп ташлаш» қа атланғанлиқини әскәртти.

Америка дөләт мудапийә министирлиқи: «хитай 3 милйондәк мусулманни йиғивелиш лагерлирида тутуп турмақта»

Американиң муавин дөләт мудапийә министири рәнди шрайвер хитайниң уйғур районида «йиғивелиш лагерлири» ни қуруп, 3 милйонға йеқин уйғур вә башқа милләтләрни бу лагерларға қамиғанлиқини билдүрди.

У бу сөзләрни 3-май күни америка дөләт мудапийә министирлиқида өткүзүлгән ахбарат йиғинида қилған. Рәнди шрайвер «йиғивелиш лагери» дегән аталғуни ишлитиш сәвәбини изаһлап «бизниң тутқунниң көлими вә йүз бериватқан ишлар һәққидә игилигән мәлуматлиримиз вә хитай һөкүмитиниң ашкара баянлиридин қариғанда, бу аталғуни ишлитиш интайин мувапиқ» дегән.

Бу америка һөкүмәт әмәлдарлириниң тунҗи қетим райондики лагерларни йиғивелиш лагерлири» дәп атиши, шуниңдәк тутқунларниң санини 3 милйон әтрапида дәп дәп елан қилишидур.

Нур ширкитиниң хоҗайини нурмәмәт абдулла: «бир карханичидин панаһланғучиға айландим»

Хитай һөкүмитиниң уйғур елидә йүргүзүватқан сиясәтлири түпәйли нурмәмәт абдулла бир карханичидин сиясий панаһланғучиға айланған.

Униң радийомизға билдүрүшичә, нурмәмәт абдулла хитайниң шенҗен шәһиридә «нур ташқи сода ширкити» ни қуруп, иқтисадий җәһәттин қәд көтүргән. У «5-июл үрүмчи вәқәси» дин кейинки бастурушлар сәвәблик 2014-йили түркийәгә көчүп кетишкә мәҗбур болған. Униң 3 хитай банкисидики икки милйон йүәндин артуқ пули тоңлитиветилгән. Нәтиҗидә 2018‏-йилниң ахириға кәлгәндә у явропаға көчүшкә мәҗбур болуп, ронақ тепиватқан бир карханичидин сиясий панаһланғучиға айланған.

Нурмәмәтниң билдүрүшичә, униң бир акиси лагерда җан үзгән, қалған қериндашлири аилиси бойичә лагерға соланған.

Пикирләр (0)
Share
Толуқ бәт