Washin'gton etrapidiki Uyghurlar bu yilliq roza héyt namizini birge oqup, roza héytini kütüwaldi

Washin'gtondin muxbirimiz uyghar teyyarlidi
2024.04.11
heyt-paaliyet-2024-1 Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héyt namizini birge oqudi. 2024-Yili 10-aprél.
RFA/Uyghar

Bügün, 10-aprél amérikadiki Uyghurlar nopusi eng köp jaylashqan washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héyt namizini birge oqup roza héytini qizghin kütüwaldi.

Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héyt namizini birge oqudi. 2024-Yili 10-aprél.
Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héyt namizini birge oqudi. 2024-Yili 10-aprél.
RFA/Uyghar

Bügünki roza héyt pa'aliyitini teshkilligüchilerdin biri, amérika Uyghur birleshmisi re'isi elfidar iltebir xanim radiyomiz ziyaritini qobul qildi. U roza héyt namizi oqup bolghandin kéyin Uyghurlarning öz'ara bir-birlirining roza héytliri tebriklep, hal-ehwal sorashqanliqini we bu arqiliq Uyghurlarning qérindashliq we dostluq rishtini kücheytkenlikini tilgha aldi. U mundaq dédi: “Gerche wetinimizde Uyghurlar we bashqa musulmanlar cheklimige uchrap roza héytni xalighanche ötküzelmigen bolsimu, washin'gton shehiri, wirjiniye we merilend ishtatliridin kelgen yüzligen Uyghurlar birlikte roza héyt namizini oquduq we bir-birimizning bayrimini tebrikliduq. Jama'itimiz, millitimiz we xelqimiz üchün du'a qilduq. Jama'itimizning we muhajirette yashawatqan barliq Uyghurlarni ümidwar bolushqa, téximu ittipaq bolushqa we birlikke kélishke alahide chaqiriq qilduq.”

Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héytliq pa'aliyetni birge ötküzdi. 2024-Yili 10-aprél.
Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héytliq pa'aliyetni birge ötküzdi. 2024-Yili 10-aprél.
RFA/Uyghar

Bügün fayrfakis shehiridiki wan diyk baghchisigha kélip bu yilliq roza héyt namizini bashqa Uyghurlar bilen birge oqup roza héytini qizghin kütüwalghan Uyghurlardin biri ziyaritimizni qobul qilip mundaq dédi:

“Xelqimiz hazir islam dunyasida ötküzülüwatqan roza héyt tentenisini shadliqqa chömülmey, azab oqubet ichide ötküzüwatidu, xelqimiz türmiler we lagérlargha qamilip insan ewladi körmigen zulumni körüp yashawatidu. Wetende milliy, diniy kemsitishlerning boluwatqanliqini biz yaxshi bilimiz. Sirtta yashawatqan bizler chet elde azad we hör dunyada jem bolup birlikte namaz uqup, jama'itimiz we xelqimiz üchün du'a qilduq. Biz amérikada chirayliq héytliship, petiliship héyt qilidighan bir shara'itqa muyesser bolghanliqimizdin özimizni bek bextlik hés qilimiz. Men bu sewebtin bizge bu shara'it, purset we imkanlarni bergen amérikagha minnetdarliqimni bildürimen. Biz bu yerde bir tereptin söyünsek yene bir tereptin wetendiki ata-animiz we xelqimizning ehwalini közde tutup könglimiz bek yérim bolidu. Lékin kelgüsige nisbeten ümidimiz parlaq” !

Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héytliq pa'aliyetni birge ötküzdi. 2024-Yili 10-aprél.
Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héytliq pa'aliyetni birge ötküzdi. 2024-Yili 10-aprél.
RFA/Uyghar

Roza héyt barliq musulmanlarning, jümlidin Uyghurlarning eng muhim we tentenilik héyt-bayramlirining biri hésablinidu. Uyghurlarning ming yildin artuq diniy we medeniyet en'eniside roza héyt bir diniy bayram bolupla qalmastin belki milliy bayram süpitide özgiche tebriklinip kelgenliki melum.

Halbuki, ijtima'iy taratqularda tarqalghan uchurlar we köpligen guwahchilarning sözlirige qarighanda yéqinqi yillardin buyan Uyghur élide roza héyt, qurban héyt we noruz qatarliq diniy we milliy bayramlar Uyghurlarning arzusi boyiche ötküzelmey yaki cheklinip, xitaylarning chaghan, panus bayrimi we tangzungza bayrimi qatarliq en'eniwi bayramlirini ötküzüsh omumlashturulghan.

Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héytliq pa'aliyetni birge ötküzdi. 2024-Yili 10-aprél.
Washin'gton shehiri, wirjiniye we merilend ishtatliridin kelgen birnechche yüz Uyghur we bashqa milletler birlikte fayrfakis shehiridiki wan diyk (Van Dyck) baghchisigha jem bolup bu yilliq roza héytliq pa'aliyetni birge ötküzdi. 2024-Yili 10-aprél.
RFA/Uyghar

Elfidar xanimning éytishiche, bu yilliq roza héyt pa'aliyitining yene bir muhim mezmuni Uyghur “Héyt baziri” bolup, 4-ayning 14 küni yekshenbe sa'et 3 tin 9 ghiche fayrfakis shehiridiki “Uyghur merkizi” de ötküzülidiken.

Amérikadiki Uyghurlar asasliqi washin'gton shehiri etrapidiki wirjiniye, merilend ishtatlirigha jaylashqan bolup, ular on nechche yillardin buyan birlikte héyt namizi oqup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.