Idris hesenning soti 1-séntebirge kéchiktürülgen

Ixtiyariy muxbirimiz azigh
2021-08-27
Share
Idris hesenning soti 1-séntebirge kéchiktürülgen Idris hesen marakeshke méngishtin bir qanche kün burun perzenti bilen. 2021-Yili iyul, türkiye.
RFA/Azigh

Marakeshte tutup turuliwatqan komputér inzhénéri we kishilik hoquq pa'aliyetchisi idris hesenning 26-awghust künidiki soti 1-séntebirge kéchiktürülgen.

Marakesh da'iriliri idris hesenni xelq'ara saqchi teshkilati teripidin chiqirilghan qizil tashliq tutush buyruqi seweblik qolgha alghanliqini jakarlighanidi. Xelq'ara saqchi teshkilati idris hesen heqqidiki tutush buyruqini emeldin qaldurghan bolsimu, emma marakesh sot mehkimisi idris hesenni qoyup bérishke téxiche höküm chiqarmighan.

Idris hesenning ayali buzeynur xanim ziyaritimizni qubul qilip, sotning mezkur qarari heqqidiki köz qarashlirini biz bilen ortaqlashti.

"Ereb xewerliri", "Afriqa xewerliri" qatarliq in'gilizche we firansuzche axbarat wastiliri bu heqte mexsus xewer ishligen bolup, xewerlerde idris hesenning xitaygha qayturuwétilgen teqdirde éghir ten jazasigha we qiyin qistaqqa uchrash éhtimalliqining yuqiriliqi éytilghan.

"Uyghur yar fondi" jiddiy qutquzush türining mes'ullirining bildürüshiche, xitay hökümiti idris hesen üstidiki eyibnamilerni marakesh da'irilirige tapshurmighan bolup, idris hesenning sotining kéchikip kétishi bu ehwal bilen munasiwetlik iken. Idris hesenning adwokatliri sotning kéchikishini idris hesen'ge paydiliq dep qarimaqta iken.

Uyghur yar fondi jiddiy qutquzush türining mes'ulliridin batur qaraxan ependim ziyaritimizni qubul qilip, idris hesenni délosi heqqide tepsiliy uchur berdi.

Igilishimizche, idris hesen nöwette marakeshtin qoyup bérilgen teqdirde türkiyige qayturwétilishtin endishe qilmaqtiken. Közetküchiler, yéqinda ashkarilan'ghan türkiye tashqiy ishlar ministirliqigha a'it bir mexpiy höjjette idris hesenning ismining bolushini misalgha élip, idris hesenning endishsining orunsiz emeslikini éytmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet