Norwégiyediki marakesh elchixanisi aldida naraziliq namayishi ötküzülgen

Ixtiyariy muxbirimiz Uyghur'ay
2021-12-16
Share
Norwégiye Uyghur komitétning orunlashturulushi bilen norwégiyediki Uyghur jama'iti paytext oslodiki marakesh elchixanisining aldida ötküzgen naraziliq namayishta namayishchilarning qolliridiki idris hesenning süriti. 2021-Yili 16-dékabir.
RFA/Uyghur'ay

12-Ayning 15-küni marakesh sotining idris hesenni xitaygha ötküzüp bérish heqqidiki axiriqi qarari chiqqandin kéyin, dunyaning herqaysiy jayliridiki Uyghurlar türlük shekillerde naraziliqini bildürüshke bashlighan.

Bügün, yeni 12-ayning 16-küni norwégiye Uyghur komitétning orunlashturulushi bilen norwégiyediki Uyghur jama'iti paytext oslodiki marakesh elchixanisining aldida naraziliq namayishi ötküzgen. Ular marakesh hökümitining idris hesenni xitaygha qayturiwetmeslikini, uni shertsiz quyup bérishni telep qilghan.

Türkiyede yashap kéliwatqan kompyutér énjnéri we Uyghur kishilik pa'aliyetchisi idris hesen bu yil 19-iyul xitay hökümitining telipi bilen marakesh dölet xewpsizliki xadimliri teripidin kasabilanka ayrodurumida tutqun qilin'ghan idi.

Norwégiye Uyghur komitétning orunlashturulushi bilen norwégiyediki Uyghur jama'iti paytext oslodiki marakesh elchixanisining aldida ötküzgen naraziliq namayishtin körünüsh. 2021-Yili 16-dékabir.
Norwégiye Uyghur komitétning orunlashturulushi bilen norwégiyediki Uyghur jama'iti paytext oslodiki marakesh elchixanisining aldida ötküzgen naraziliq namayishtin körünüsh. 2021-Yili 16-dékabir.

Idris hesenning délosi nöwette xelq'ara kishilik hoquq teshkilatliri we bir gherb démokratik döletlirining diqqitini qozghighan. Yéqinda “Xitaygha qarshi xelq'araliq parlamént ezaliri birleshmisi” bayanat élan qilip, marakesh da'irilirini idris hesenni qoyup bérishke chaqiriq qilghan.

Norwégiyediki namayish oslo waqti chüshtin kéyin sa'et 15de bashlan'ghan bolup, radiyomiz ziyaritimizni qobul qilghan norwégiye Uyghur komitétining re'isi bextiyar ömer ependi: “Bügünkidek jiddiy waqitlarda hayati xewp ichide qalghan qérindashlarni qutquzush her bir Uyghurning bash tartip bolmaydighan mejburiyiti,” dédi.

Namayishqa ishtirak qilghan dunya Uyghur qurultiyi ijra'iye komitétining mu'awin re'isi, norwégiye Uyghur komitétining meslihetchisi semet abla, idris hesenni qutquzush üchün hemeylenning birlikte heriketke ötüshining intayin muhimliqini tekitlep ötti.

Idris hesenning xitaygha qayturulmasliqi üchün bügün norwégiyedin bashqa türkiye, amérika qatarliq döletlerdiki marakesh elchixanilirining aldidimu naraziliq namayishliri ötküzülgen. Közetküchiler, bu bir qatar naraziliq namayishlirining marakesh hökümitige melum derijide bésim peyda qilidighanliqini mölcherlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet