11-Féwral küni gérmaniyening myunxén shehiride ikki muhim pa'aliyet ötküzülgen

Ixtiyariy muxbirimiz erkin tarim
2022.02.11
Share on WhatsApp
Share on WhatsApp
11-Féwral küni gérmaniyening myunxén shehiride ikki muhim pa'aliyet ötküzülgen “Uyghur herikiti” teshkilatining nobél mukapat namzatliqigha körsitilgenlikini tebriklesh pa'aliyitidin körünüsh. 2022-Yili 11-féwral, myunxén, gérmaniye.
RFA/Erkin Tarim

11-Féwral küni gérmaniyening myunxén shehiride ikki muhim pa'aliyet ötküzülgen. Bulardin biri, myunxéndiki Uyghur jama'iti dunya Uyghur qurultiyining re'isi dolqun eysa sherqiy türkistan uchur merkizining mes'uli abdujélil qaraqash ependi, “Ilham toxtini qollash” guruppisi mes'uli enwer jan ependiler, Uyghur herikiti teshkilatini nobél mukapatigha namzat körsitilgenlikini tebriklesh pa'aliyiti ötküzgen. Pa'aliyetke mezkur teshkilatlarning mes'ulliri Uyghur herikiti teshkilati re'isi roshen abbas xanimgha gül teqdim qilip tebrikligen. Biz neq meydan'gha téléfon qilip, dolqun eysa ependidin bu heqte melumat igiliduq. U, dunya Uyghur qurultiyigha eza ikki teshkilat bilen kishilik hoquq jengchisi ilham toxtining 2022-yilliq nobél tinchliq mukapatigha namzat körsitilishining dunyadiki her qaysi döletlerning sherqiy türkistan dewasining heqqaniy bir dewa ikenlikini qobul qilghanliqining ispati ikenlikini, buningdin qattiq söygenlikini otturigha qoydi. U, bu meqset bilen bügün bularni tebriklesh pa'aliyiti élip barghanliqini bildürdi.

“Yawropa sherqiy türkistan birliki” bilen gérmaniye bawariye axbarat merkizi birlikte ötküzgen metbu'at yighinidin körünüsh.  2022-Yili 11-féwral, myunxén, gérmaniye.
“Yawropa sherqiy türkistan birliki” bilen gérmaniye bawariye axbarat merkizi birlikte ötküzgen metbu'at yighinidin körünüsh. 2022-Yili 11-féwral, myunxén, gérmaniye.
RFA/Erkin Tarim

Roshen abbas xanim téléfon ziyaritimizni qobul qilip, buningdin intayin xursen bolghanliqini tekitlep mundaq dédi: “Biz bügün chéxiyening paytexti piragadiki pa'aliyetlirimizni axirlashturup, myunxén'gha kelgeniduq. Bu yerde d u q re'isi dolqun eysa ependi, abdujélil qaraqash ependi we enwer jan ependiler öz teshkilatliri we myunxén jama'itige wakaliten bizning Uyghur herikiti teshkilatining bu yilliq nobél mukapatigha namzat körsitilgenlikini tebriklidi. Buningdin nahayiti hayajanlanduq. Biz bu sherepning peqet bizning Uyghur herikiti teshkilatighila emes, bizni qollawatqan barliq teshkilatlargha, Uyghur jama'itige a'it ikenlikini yene bir qétim tekitlimekchimiz. Nobél tinchliq mukapatigha namzatliqqa körsitilishimizning netijisi néme bolushidin qet'iy nezer bu tarixiy bir hadisidur. Bu bizning téximu iptixarlinip, wetinimizning azadliqi üchün téximu köp tirishchanliq körsitishimizge türtke bolidu dep oylaymen”.

“Ilham toxtini qollash” guruppisi mes'uli enwerjan ependi “Kishilik hoquq jengchisi” ilham toxti nobél tinchliq mukapatigha namzatliqqa körsitilgendin kéyin, Uyghur herikiti teshkilati bilen Uyghur kishilik hoquq qurulushiningmu namzatliqqa körsitilishining xitaygha urulghan küchlük shapilaq ikenlikini bildürdi.

Bügün yeni 11-féwral küni myunxénda “Yawropa sherqiy türkistan birliki” bilen gérmaniye baweriye axbarat merkizi birlikte metbu'at yighini ötküzgen. Axbarat élan qilish yighinigha baweriye parlaménti mu'awin re'isi markus rinderspacher, tonulghan yazghuchi ralf ba'u'er ependi, uruq-tughqanliri lagérgha qamalghan zulpiye qasim we esqerjan ependiler teklip boyiche qatniship söz qilghan. Ular, béyjingda ötküzülgen qishliq olimpik musabiqisining kishilik hoquqqa zerbe bergenlikini, Uyghur qatarliqlargha irqiy qirghinchiliq élip bériliwatqan bügünki künde olimpik musabiqisige qatnashqanliqning insaniyetke qarshi jinayetke shérik bolghanliq ikenlikini tekitleshken. Bu heqte ziyaritimizni qobul qilghan esqerjan ependi bu heqte melumat berdi.

Esqerjan ependi, mezkur yighinda bawariye parlaménti mu'awin re'isi markus rinderspacher ependiningmu hazir gérmaniyede hakimiyetni qolida tutup turghan sotsiyal démokratlar partiyesining Uyghur siyasitini tenqid qilghanliqini bildürdi.

Myunxénda ötküzülgen axbarat yighinida guwahliq bergen zulpiye qasim xanim yighindin alghan tesiratini bayan qildi.

11-Féwral küni yawropada Uyghurlar eng köp olturaqlashqan, dunya Uyghur qurultiyining merkiziy ishxanisi jaylashqan gérmaniyening myunxén shehiridiki Uyghurlar Uyghur herikiti teshkilati, Uyghur kishilik hoquq qurulushidin ibaret ikki teshkilatning 2022-yilliq nobél tinchliq mukapati namzatliqigha körsitilgenlikidin shatlinip tebrikleshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.