Uyghur tetqiqati boyiche xelq'araliq eng yéngi ilmiy toplam- “Ijitima'iy topluq yenila muhim”

Muxbirimiz nur'iman
2022.08.25
Share on WhatsApp
Share on WhatsApp
Uyghur tetqiqati boyiche xelq'araliq eng yéngi ilmiy toplam- “Ijitima'iy topluq yenila muhim”
Photo: RFA

Yéqinqi yillardin buyan Uyghur mesilisining xelq'aralishishigha egiship, Uyghur tetqiqati boyiche xelq'aradiki ilmiy tetqiqatlarmu barghanséri janlanmaqta. Bu yil 7-ayda yawropadiki ilmiy eserlerni neshir qilidighan dangliq neshriyat ni'as neshriyati (NIAS) teripidin in'giliz tilida neshir qilin'ghan “Ijtima'iy topluq yenila muhim: ottura asiya muhitida Uyghur medeniyiti we jem'iyiti” (Community Still Matters: Uyghur Culture and Society in Central Asian Context) namliq kitab del shuning jümlisidindur.

Mezkur kitab kopénhagén uniwérsitétining ottura asiya we Uyghurshunasliq tetqiqati boyiche közge körün'gen proféssori ildiko bellér-xan (Ildiko Beller-Hann) ning Uyghur tarixi we medeniyiti heqqidiki mol mezmunluq tetqiqat netijilirini tebriklesh yüzisidin uning namigha béghishlan'ghan. Shu wejidin mezkur kitabning nami ildiko bellér-xanning “Ijtima'iy topluq” (Community Matters) namliq Uyghur tetqiqatidiki muhim esirining namidin élin'ghan.

Mezkur kitab, bérlin dölet kutupxanisining xadimi doktor aysima mirsultan, jorji washin'gton uniwérsitétining yardemchi proféssori érik shlussél we washin'gtondiki musteqil tetqiqatchi doktor eset sulayman qatarliqlar teripidin tüzülgen hemde birlikte tehrirlinip neshirge sunulghan.

Mezkur ilmiy toplamgha Uyghur tettqiqati boyiche xelq'arada tonulghan yash we ottura yash tetqiqatchilardin déywid brofi, rachél harrés, frédrik folman, ablet kamalof, joshu'a friman, jun sugawara, ju'anné simis-finléy qatarliq 20 ge yéqin tetqiqatchining Uyghur tarixi, medeniyiti we til-yéziqigha a'it eng yéngi tetqiqat netijiliri kirgüzülgen.

Mezkur ilmiy toplamdin orun alghan maqaliler téma étibari boyiche, Uyghur yéqinqi we hazirqi zaman tarixi, ijtima'iy medeniyiti, tarixiy shexsler we ayal qehrimanlar, qolyazma-wesiqiler, folklor we örp-adetler, 20-esirdiki Uyghur edebiyati qatarliq keng sahelerge béghishlan'ghan. Ilmiy sahedikilerning bahalirigha qarighanda, bu ilmiy toplamni nöwette Uyghur tetqiqati boyiche xelq'arada yoruqluqqa chiqqan eng yéngi ilmiy maqalilerning jughlanmisi, déyishke bolidiken.

Biz bu ilmiy toplam heqqide téximu tepsiliy melumatlargha érishish üchün mezkur kitabning tüzgüchiliridin aysima mirsultan xanim we érik shlussél ependiler bilen söhbet élip barduq.

Söhbitimizning tepsilatini yuqiridiki ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.