Uyghurlarning gollandiyidiki ayliq söhbitide baj heqqide sawat bérildi

Ixtiyariy muxbirimiz pida'iy
2013.03.04
Share on WhatsApp
Share on WhatsApp
gollandiye-ayliq-sohbet.jpg “Yawropa sherqiy türkistan ma'arip jem'iyiti” ning ayliq söhbet pa'aliyitidin körünüsh. 2013-Yili 3-mart, gollandiye.
RFA/Pidaiy

Gollandiyidiki “Yawropa sherqiy türkistan ma'arip jem'iyiti” ning ayliq söhbet pa'aliyitide diniy sawatlar sözlinipla qalmay, gollandiyidiki baj we maliye sistémisini heqqidimu léksiye sözlendi. Söhbet ehli bu qétimqi söhbettin razi bolghanliqini bildürüshti.

2013‏-Yili 3‏-mart gollandiyining zeyst shehirige orunlashqan “Yawropa sherqiy türkistan ma'arip jem'iyiti” ning xizmet merkizide, “Ayliq söhbet pa'aliyiti” ötküzüldi. Pa'aliyetke erler, ayallar we kichik balilarmu ishtirak qildi.

Pa'aliyet shu yer waqti chüsh 2 din, taki kech sa'et 8 ge qeder dawam qildi. Pa'aliyet yillardin biri dawam qilip kéliwatqan tertip asasida “Qur'an kerim” tilawiti bilen bashlandi. Andin peyghember eleyhissalamning hayat kechmishliri merkez qilin'ghan weqelikler bayan qilindi. Kéyin “Tewhiyd we iman” heqqide chüshenchining dawami anglitildi.

Pa'aliyet ariliqlirida dem élishlar, öz-ara tonush xaraktéridiki erkin söhbetler, namaz we ghizalinishlarmu orunlashturuldi. Axirida gollandiyidiki baj ishliri, maliye mesililiri heqqide sawat we duch kelgen mesililer heqqide so'al-jawab sheklide programma bolundi. Bu programmigha gollandiyide uzun yillardin mushu sahede xizmet qilip kéliwatqan bir türk qérindash alahide teklip qilin'ghan bolup, köpchilik qisqa waqitta köp uchurlardin behrimen boldi.

Pa'aliyet ishtirakchiliri ziyaritimizni qobul qilip, öz tesiratlirini anglatti.

“Yawropa sherqiy türkistan ma'arip jem'iyiti” yéqinqi yillardin biri barghanséri küchiyip xizmetlirini kéngeytiwatqan we serxillashturuwatqan teshkilatlardin biri.

“Ayliq söhbet pa'aliyiti” bu jem'iyetning asasliq xizmetliridin bolup, ayda bir qétim izchil dawam qildurup kelmekte. Bu pa'aliyet kélishni ixtiyar qilghan barliq wetendashlar échiwétilgen ochuq pa'aliyet bolup, bundin kéyin xanim-qizlarmu qatnishalaydiken.

Bu jem'iyette hazir balilar üchün “Islam we ana til kursi”, chonglar üchün “Qur'an-tejwid kursi” derslirini dawam qildurmaqta.

Igilishimizche, ular yene “Telep-teqdim kursi” namliq bir tür testiqlap, telep qilghuchilar bilen teqdim qilghuchilarning türlük sahede bilim almashturushigha paydiliq ishlarni pilanlimaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.