Gollandiyede échilghan ürümchi Uyghur réstorani alqishqa érishti

Ixtiyariy muxbirimiz pida'iy
2015.09.14
Share on WhatsApp
Share on WhatsApp
Urumchi-Uyghur-Restorani.JPG Gollandiyening rottérdam shehiridiki merkizi poyiz istansigha yéqinla yerge échilghan Uyghur réstoranining ichki körünüshi. 2015-Yili 12-séntebir.
RFA/Pida’iy

12-Séntebir gollandiyening rottérdam shehiridiki merkizi poyiz istansigha yéqinla yerde bir Uyghur réstorani échildi.

Igilishimizche, mezkur réstoranning orni we alahidiliki Uyghurlarning éhtiyajigha uyghun bolup, birla waqitta yetmish nechche ademni bimalal uzutalaydiken.

Ichilish murasimigha teshrip qilghan bir xanimning bildürüshiche, hazir gollandiyediki ayallarningmu öz-ara dostluq ziyapetliri üchün mushundaq bir réstoran'gha éhtiyaj éshiwatqan bolup, ürümchi Uyghur réstoranining istiqbali bar iken.

Mezkur réstoranning xojayini qehriman tursun ependi ziyaritimizni qobul qilip, gollandiyege kelgendin béri mushundaq bir Uyghur réstorani ichish pilanida yürgenlikini, oqush we bashqa basquchlirini tamamlap bolghandin kéyin bu réstoranni ichishke muweppeq bolghanliqini bildürdi.

Qehriman tursun ependi on nechche yildin béri gollandiyediki siyasiy we milliy pa'aliyetlerde aktip rol élip kelgen zeynidin tursun ependining inisi bolup, zeynidin tursun ependining bildürüshiche, bu réstoran Uyghur yémekliri medeniyitini tonushturush bilen birge, siyasiy dewa yolidimu belgilik rol oynaydiken.

Inkas bergüchilerning qarishiche, bu, pütünley Uyghur ta'amliri bilenla échilghan tunji Uyghur réstorani iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.