Gollandiyediki Uyghur yashlar intérnét soda tijariti heqqide yighin teshkillidi

Ixtiyariy muxbirimiz pida'iy
2015.03.09
Share on WhatsApp
Share on WhatsApp
internet-tor-sodisi-gollandiye.jpg Yawropa sherqiy türkistan ma'arip jem'iyitide, intérnét soda tijariti heqqide sawat bérish pa'aliyitidin körünüsh. 2015-Yili 8-mart, gollandiye.
RFA/Pida’iy

8‏-Mart yekshenbe küni yawropa sherqiy türkistan ma'arip jem'iyitide terbiyiliniwatqan yash-ösmürlerning uyushturushi bilen gollandiyede intérnét soda tijariti heqqide sawat anglitildi. Shu yer waqti chüshtin 5 tin, 7 ge qeder dawam qilghan mezkur pa'aliyet ularning wetendashlirigha sun'ghan tunji méwisi bolup, pa'aliyetke 20 yildin béri gollandiyede tor tijariti bilen shughulliniwatqan ACN shirkitining tejribilik xadimliridin Dajo ependi bilen Walid Ibraim ependiler teklip qilin'ghan. Dajo Ependi mezkur shirketning gollandiyediki bash sétish nuqtisida mu'awin diréktor, Walid Ibraim ependi bolsa, mezkur shirketning aktip xizmetchisi iken.

Aldi bilen Walid Ibraim ependi, mezkur achn shirkitining tijaret uslubidin chüshenche berdi we özining mezkur shirkettiki xizmitini qachan, qandaq, qeyerdin bashlap bügün'ge ulishalighanliqini pa'aliyet ishtirakchilirigha anglatti.

Andin Dajo ependi künséri tereqqiy qiliwatqan tor sodisining istiqbali heqqide janliq misallar bérip, herqandaq insanning tili, desmayisi, yéshi, jinsi we irqiy qatarliq jehette cheklimige uchrimaydighanliqini؛ yuqiridikilerning töwendikilerge yardem bérishi netijiside yüksilishtek piramida shekillik sistémisi bilen algha ilgirilewatqan mezkur shirketning 20 din artuq dölette wakaletchi nuqtilirini teshkil qilip, tirishqanliki kishining ejrige layiq menpe'etke érisheleydighanliqini bildürüp söz qildi.

Kéyin köpchilik öz ara so'al-jawabliq muzakire qilip, tor sodisi heqqidiki chüshenchilirini chongqurlashturdi. Pa'aliyet ishtirakchiliridin hüseyin tejelliy ependi, her bir musulmanning tirishchanliqi uning méli we jéni bilen bolidighanliqini tekitlep, gollandiyediki wetendashlirining iqtisadiy jehette yüksilish rohigha medet berdi.

Mezkur pa'aliyetke qatnashqan Uyghurlarmu bu léksiyedin alghan tesiratlirini sözlep berdi. Dajo We Walid Ibraim ependilermu ziyaritimizni qobul qilip, tor sodisi bilen shughullinishning nöwettiki imkanlirini tewsiye qildi.

Axirida mezkur pa'aliyetning meydan'gha kélishide muhim rol oynighan yash yigitlermu özlirining yürek sözlirini anglatti. Ularning déyishiche, ular barliq arzu-armanlirining iqtisad bilen baghlinishliq munasiwitini chüshen'gendin kiyin, izdinish netijiside mezkur tor sodisi shirkitining payda tépish prinsiplirigha qiziqip qalghan we özi yaxshi körgenni bashqilargha qisinish héssiyati bilen bu pa'aliyetni teshkillep, wetendashliriningmu birlikte ilgirilishini meqset qilghan.

Bu, yawropa sherqiy türkistan ma'arip jem'iyitidiki oqughuchilarning tunji méwisi bolup, chonglar ularning bu tirishchanliqini, weten-xelqige nep béreleydighan bir nesil bolup yétiship chiqalaydighanliqining bir alamiti dep teriplidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.