Түрк аммиви тәшкилатлири мусапир уйғурларға 150 қурбанлиқ қой 3 тон кала гөши ианә қилди

Ихтиярий мухбиримиз әркин тарим
2015.09.28
Share on WhatsApp
Share on WhatsApp
musapir-uyghur-turkiye-iane-1.jpg

Түрк аммиви тәшкилатлири мусапир уйғурларға қурбанлиқ қой вә калиларни ианә қилди. 2015-Йили сентәбир, түркийә. RFA/Erkin Tarim

musapir-uyghur-turkiye-iane-2.jpg

Түрк аммиви тәшкилатлири мусапир уйғурларға қурбанлиқ қой вә калиларни ианә қилди. 2015-Йили сентәбир, түркийә. RFA/Erkin Tarim

musapir-uyghur-turkiye-iane-3.jpg

Түрк аммиви тәшкилатлири мусапир уйғурларға қурбанлиқ қой вә калиларни ианә қилди. 2015-Йили сентәбир, түркийә. RFA/Erkin Tarim

musapir-uyghur-turkiye-iane-4.jpg

Түрк аммиви тәшкилатлири мусапир уйғурларға қурбанлиқ қой вә калиларни ианә қилди. 2015-Йили сентәбир, түркийә. RFA/Erkin Tarim

musapir-uyghur-turkiye-iane-5.jpg

Түрк аммиви тәшкилатлири мусапир уйғурларға қурбанлиқ қой вә калиларни ианә қилди. 2015-Йили сентәбир, түркийә. RFA/Erkin Tarim

Мусулманларниң әң чоң һейтлиридин бири қурбан һейтта қәйсәри үлкү оҗақлири маарип вә мәдәнийәт фондиниң қәйсәри шөбиси башлиқи айтач гезиҗи әпәнди башчилиқидики башқуруш һәйити әзалири уйғур мусапирларни унтуп қалмиди.

Тәшкилат рәһбәрлири қурбан һейтниң биринчи күни ианә йиғқан 120 қурбанлиқ қойни малайшия вә тайланд арқилиқ қәйсәригә келип олтурақлишип қалған 1200 әтрапида уйғур туруватқан қору-җайниң ичигә елип келип союп берип, уйғурларни сөйүндүрди. Мәзкур тәшкилат бурундин тартип уйғурларға изчил ярдәм қилип келиватқан тәшкилатлардин бири болуп, өткән йили қәйсәригә келип җайлишип қалған уйғурларниң һәр даим бешини силимақта иди.

Биз 120 қурбанлиқ қой ианә қилған қәйсәри үлкү оҗақлири маарип вә мәдәнийәт фонди қәйсәри шөбиси башлиқи айтач гезиҗи әпәнди билән телефон сөһбити елип бардуқ.

Айтач гезиҗи әпәнди қәйсәригә келип олтурақлишип қалған уйғурларға мусапир дәп қаримайдиғанлиқини, уларни өз қериндишидәк көридиғанлиқини баян қилип мундақ деди:
Шәрқий түркистандин кәлгән мусапирлар биз үчүн мусапир яки панаһланғучи әмәс бизниң қан қериндашлиримиз. Биз өйдики қериндашлиримизни қандақ көрсәк, уларниму шундақ көримиз. Биз уйғурлар билән қан қериндаш икәнликимизни уйғурларғиму дәватимиз, түрк җамаәтчиликигиму аңлитиватимиз. Шуңа биз мусулманларниң муқәддәс қурбан һейтида уйғур қериндашлиримизниму унтумидуқ. Һәммә өйгә бирдин қурбанлиқ союп бәрдуқ.

Қәйсәри үлкү оҗақлири маарип вә мәдәнийәт вәхпи қәйсәри шөбиси болусуһ сүпитиңлар билән мусапир уйғурларға немә ярдәмләрни қилдиңлар? дегән соалимизға у, мундақ җаваб бәрди:
Үлкү оҗақлири тәшкилатимизниң рәиси олҗай килавуз әпәнди қәйсәригә кәлгинидә қәйсәридики уйғурлар туридиған мәһәллини зиярәт қилмай қайтмайду. Уйғурлар йоқлап кәлгән вақтида уйғурларға һәр даим уларға яр-йөләк болидиғанлиқини, қандақ қийинчилиқи болса уни һәл қилиш үчүн қолидин кәлгәнни қилидиғанлиқини дәйду. Рәисимиз олҗай килавуз әпәнди бизгә һейттин бурун қәйсәридики уйғурларға ярдәм қилишимиз тоғрисида йол йоруқ бәрди. Бизгә һейтниң биринчи күни һәммә адәм қурбанлиқ сойғанда уйғурларниң қурбан союши керәкликини ейтти. Һейтта уйғур мусапирларниң вә уларниң балилириниң бойнини қисип қалса болмайдиғанлиқини, шуңа һәр аилигә бирдин қурбанлиқ тегидиған шәкилдә тәйярлиқ қилишимизни ейтти. Шуңа биз үлкү оҗақлири маарип вә мәдәнийәт вәхпиниң қәйсәри шөбиси мәсуллири һейтниң биринчи күни уйғурлар турушлуқ қору җайниң ичидә уйғур қериндашлиримиз билән бирликтә һейт намизини оқуғандин кейин һәр аилигә бирдин йәни 120 қурбанлиқ қой союп бәрдуқ.

Уйғур дәвасини бурундин тартип қоллап келиватисиләр, биз игилигән мәлуматларға асасланғанда уйғурларниң вәзийити күнсайин еғирлашмақта, бундин кейин уйғурлар үчүн немиләрни қилмақчисиләр? дегән соалимизға у, мундақ җаваб бәрди:
Биз түркләр шәрқий түркистан мәсилисигә 1930-йилидин бурундин тартипла көңүл бөлүп келиватимиз. Биз шәрқий түркистан мәсилисини түркийәниң күнтәртипигә елип келиш үчүн давамлиқ һалда паалийәтләрни елип бериватимиз. Ирақ вә сүрийәдин кәлгән мусапир түркмәнләргә ярдәм топлап тарқитип бериватимиз. Шундақла уйғур қериндашлиримизниму унтумай маддий вә мәниви җәһәттин ярдәм қиливатимиз. Худаға шүкүр шәрқий түркистан дәвасиға түрк хәлқи игә чиқишқа башлиди, бундақла маңидиған болса йеқин кәлгүсидә шәрқий түркистан мәсилиси түркийәниң миллий мәсилисигә айлиниду. Ундин кейин оттура асия түркий җумһурийәтлириму бу мәсилигә көңүл бөлүшкә башлайду.

Сейит түмтүрк әпәнди қурбан һейтта 150 әтрапида қой, 3 тон кала гөши ианә қилинғанлиқини булардин 120 қойни түрк оҗақлири маарип вә мәдәнийәт фондиниң ианә қилғанлиқини ейтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.