Türk ammiwi teshkilatliri musapir Uyghurlargha 150 qurbanliq qoy 3 ton kala göshi i'ane qildi

Ixtiyariy muxbirimiz erkin tarim
2015.09.28
Share on WhatsApp
Share on WhatsApp
musapir-uyghur-turkiye-iane-1.jpg

Türk ammiwi teshkilatliri musapir Uyghurlargha qurbanliq qoy we kalilarni i'ane qildi. 2015-Yili séntebir, türkiye. RFA/Erkin Tarim

musapir-uyghur-turkiye-iane-2.jpg

Türk ammiwi teshkilatliri musapir Uyghurlargha qurbanliq qoy we kalilarni i'ane qildi. 2015-Yili séntebir, türkiye. RFA/Erkin Tarim

musapir-uyghur-turkiye-iane-3.jpg

Türk ammiwi teshkilatliri musapir Uyghurlargha qurbanliq qoy we kalilarni i'ane qildi. 2015-Yili séntebir, türkiye. RFA/Erkin Tarim

musapir-uyghur-turkiye-iane-4.jpg

Türk ammiwi teshkilatliri musapir Uyghurlargha qurbanliq qoy we kalilarni i'ane qildi. 2015-Yili séntebir, türkiye. RFA/Erkin Tarim

musapir-uyghur-turkiye-iane-5.jpg

Türk ammiwi teshkilatliri musapir Uyghurlargha qurbanliq qoy we kalilarni i'ane qildi. 2015-Yili séntebir, türkiye. RFA/Erkin Tarim

Musulmanlarning eng chong héytliridin biri qurban héytta qeyseri ülkü ojaqliri ma'arip we medeniyet fondining qeyseri shöbisi bashliqi aytach géziji ependi bashchiliqidiki bashqurush hey'iti ezaliri Uyghur musapirlarni untup qalmidi.

Teshkilat rehberliri qurban héytning birinchi küni i'ane yighqan 120 qurbanliq qoyni malayshiya we tayland arqiliq qeyserige kélip olturaqliship qalghan 1200 etrapida Uyghur turuwatqan qoru-jayning ichige élip kélip soyup bérip, Uyghurlarni söyündürdi. Mezkur teshkilat burundin tartip Uyghurlargha izchil yardem qilip kéliwatqan teshkilatlardin biri bolup, ötken yili qeyserige kélip jayliship qalghan Uyghurlarning her da'im béshini silimaqta idi.

Biz 120 qurbanliq qoy i'ane qilghan qeyseri ülkü ojaqliri ma'arip we medeniyet fondi qeyseri shöbisi bashliqi aytach géziji ependi bilen téléfon söhbiti élip barduq.

Aytach géziji ependi qeyserige kélip olturaqliship qalghan Uyghurlargha musapir dep qarimaydighanliqini, ularni öz qérindishidek köridighanliqini bayan qilip mundaq dédi:
Sherqiy türkistandin kelgen musapirlar biz üchün musapir yaki panahlan'ghuchi emes bizning qan qérindashlirimiz. Biz öydiki qérindashlirimizni qandaq körsek, ularnimu shundaq körimiz. Biz Uyghurlar bilen qan qérindash ikenlikimizni Uyghurlarghimu dewatimiz, türk jama'etchilikigimu anglitiwatimiz. Shunga biz musulmanlarning muqeddes qurban héytida Uyghur qérindashlirimiznimu untumiduq. Hemme öyge birdin qurbanliq soyup berduq.

Qeyseri ülkü ojaqliri ma'arip we medeniyet wexpi qeyseri shöbisi bolusuh süpitinglar bilen musapir Uyghurlargha néme yardemlerni qildinglar? dégen so'alimizgha u, mundaq jawab berdi:
Ülkü ojaqliri teshkilatimizning re'isi oljay kilawuz ependi qeyserige kelginide qeyseridiki Uyghurlar turidighan mehellini ziyaret qilmay qaytmaydu. Uyghurlar yoqlap kelgen waqtida Uyghurlargha her da'im ulargha yar-yölek bolidighanliqini, qandaq qiyinchiliqi bolsa uni hel qilish üchün qolidin kelgenni qilidighanliqini deydu. Re'isimiz oljay kilawuz ependi bizge héyttin burun qeyseridiki Uyghurlargha yardem qilishimiz toghrisida yol yoruq berdi. Bizge héytning birinchi küni hemme adem qurbanliq soyghanda Uyghurlarning qurban soyushi kéreklikini éytti. Héytta Uyghur musapirlarning we ularning balilirining boynini qisip qalsa bolmaydighanliqini, shunga her a'ilige birdin qurbanliq tégidighan shekilde teyyarliq qilishimizni éytti. Shunga biz ülkü ojaqliri ma'arip we medeniyet wexpining qeyseri shöbisi mes'ulliri héytning birinchi küni Uyghurlar turushluq qoru jayning ichide Uyghur qérindashlirimiz bilen birlikte héyt namizini oqughandin kéyin her a'ilige birdin yeni 120 qurbanliq qoy soyup berduq.

Uyghur dewasini burundin tartip qollap kéliwatisiler, biz igiligen melumatlargha asaslan'ghanda Uyghurlarning weziyiti künsayin éghirlashmaqta, bundin kéyin Uyghurlar üchün némilerni qilmaqchisiler? dégen so'alimizgha u, mundaq jawab berdi:
Biz türkler sherqiy türkistan mesilisige 1930-yilidin burundin tartipla köngül bölüp kéliwatimiz. Biz sherqiy türkistan mesilisini türkiyening küntertipige élip kélish üchün dawamliq halda pa'aliyetlerni élip bériwatimiz. Iraq we süriyedin kelgen musapir türkmenlerge yardem toplap tarqitip bériwatimiz. Shundaqla Uyghur qérindashlirimiznimu untumay maddiy we meniwi jehettin yardem qiliwatimiz. Xudagha shükür sherqiy türkistan dewasigha türk xelqi ige chiqishqa bashlidi, bundaqla mangidighan bolsa yéqin kelgüside sherqiy türkistan mesilisi türkiyening milliy mesilisige aylinidu. Undin kéyin ottura asiya türkiy jumhuriyetlirimu bu mesilige köngül bölüshke bashlaydu.

Séyit tümtürk ependi qurban héytta 150 etrapida qoy, 3 ton kala göshi i'ane qilin'ghanliqini bulardin 120 qoyni türk ojaqliri ma'arip we medeniyet fondining i'ane qilghanliqini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.