Uyghur a'ilige türk sheher bashliqi ige chiqti

Ixtiyariy muxbirimiz erkin tarim
2015.10.02
Share on WhatsApp
Share on WhatsApp
ershat-mexmut-ailisi.jpg Manisa sheherlik hökümiti yardem qilghan, xitayning bésimidin manisagha qéchip kelgen érshat mexmut a'ilisi. 2015-Yili öktebir, türkiye.
RFA/Erkin Tarim

Xitayning bésimidin qéchip türkiyege kelgen bir Uyghur a'ilige türkiye izmir manisa sheherlik hökümet ige chiqip xizmetke orunlashturdi.

Manisa sheherlik hökümiti bundin 5 ay burun xitayning bésimidin manisagha qéchip kélip kona bir ambarda yétip qopqan 5 yashta bir perzenti bar érshat mexmut a'ilisige yardem qolini uzatti. Manisa sheherlik hökümet bu a'ilini bayqighandin kéyin bulargha yunus emrah mehellisidin öy ijarige élip bergen. Arqidinla érshat mexmut bilen ayali ayshe qadirni atatürk kent baghchisida xizmetke orunlashturghan. Érshat mexmut 1-öktebir küni millet gézitige bergen bayanatida, bir balisi we ayali bilen 3 janning nurghun qiyinchiliqlarni béshidin ötküzgenlikini, yéqinda manisa shehirining bashliqi jénggiz ergün ependining yardimi bilen er-ayal ikkisining xizmetke orunliship turmush jehettin xatirjem bolghanliqini éytqan. 5 Yashtiki oghli imranni manisa sheherlik hökümetning yeslisige bergenlikini bayan qilghan.

Sheher bashliqi jinggiz ergün'ge köp rehmet éytimiz

Nurghun qiyinchiliqlarni béshidin ötküzgenlikini turmushining emdiletin asta-asta tüzilishke bashlighanliqini bayan qilghan érshat mexmut ependi xitayning bésimidin qéchip kelgenlikini bayan qilip mundaq dégen:
Men Uyghur türkimen. Xitay zulumidin qéchip manisagha keldim. Besh yashliq bir oghlum bar. Ayalim bilen manisa sheherlik hökümette ishchi bolup ishleshke bashliduq. Balamni sheherlik hökümetning yeslisige berduq. Turmushimiz asta-asta tüzülüshke bashlidi. Manisa xelqi méhmandost bek yaxshi iken. Manisa sheher bashliqi jénggiz ergün bek yaxshi adem iken, bizge köp yardem qildi. Uninggha rehmet éytimiz, allah uningdin razi bolsun.

Sheherlik hökümet ige chiqmighan bolsa kochida qalattuq

Uyghur musapir ilshat mexmutning ayali ayshe qadir xanim 1-öktebir küni türkiyening eng chong gézitliridin biri bolghan millet gézitige bergen bayanatida, manisa shehirining bashliqi ige chiqmighan bolsa talada qalidighanliqini bayan qilip mundaq dégen: sheher bashliqi jénggiz ergün bizge ige chiqti. Ishikini achti. Eger u bizge ige chiqmighan bolsa, talada qélishqa mejbur bolattuq. Bezi kishiler bizning bu yerde turushimizni xalimidi. Hazir xizmitimiz bar. Mudirimiz we xizmetdashlirimizmu bizge bek yaxshi mu'amile qiliwatidu. Sheher bashliqimiz jénggiz ergün ependige köp rehmet éytimiz, allah uningdin razi bolsun.

Türkiyede nurghun ishsiz ademler turup bundaq bir Uyghurni xizmetke orunlashturushni qandaq chüshinishimiz kérek? türkiyege yéngi kelgen musapir Uyghurlarning xizmet tépishidiki qiyinchiliqlar néme? we bu qiyinchiliqlarni hel qilishning yolliri toghrisida musapirlargha yardem qilish xizmetliri bilen shughulliniwatqan hidayetullah oghuzxan ependi bilen söhbet élip barduq.

U, türkler Uyghurlarni uzaqtiki qérindash dep köridighanliqini, shunga manisa sheher bashliqining bir Uyghur er-ayalni xizmetke orunlashturghanliqini éytti. U, yene Uyghur musapirlarning türkiyede qanuniy ishlesh hoquqigha ige bolush üchün hökümet bilen körüshüwatqanliqini, yéqinda xush xewerni Uyghurlargha yetküzidighanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.