Президент доналд трамп ташқи содиға алақидар икки буйруқнамигә имза қойди

Мухбиримиз җүмә
2017.04.01
Share on WhatsApp
Share on WhatsApp
donald-trump.jpg Америкидики җумһурийәтчиләр партийисиниң вәкили доналд трамп сайлам җәрянида сөзләватқан көрүнүш. 2016-Йили 8-ноябир, ню йорк.
AFP

Америка президенти доналд трамп җүмә кәчқурун америкиниң ташқи содисиға алақидар икки буйруқнамигә имза қоюп, америка сода министирлиқини буниңға алақидар һөҗҗәтләрни мупәссәл көздин кәчүрүшкә буйруди

Доналд трамниң мәзкур буйруқнамиси хитай рәиси ши җинпиң билән өткүзүлидиған учришиштин бир һәптә бурун имзаланди

Җүмә күни президент трамп имзалиған икки буйруқнаминиң биридә башқа дөләтләрниң өз мәһсулатлирини америкида төкмә қилип сетиш қилмишлириға қарши қанунларни қаттиқ йүргүзүш тәләп қилинған

Буйруқнаминиң йәнә биридә америка сода министирлики вә сода вәкиллиригә 90 Күн мөһләт ичидә америка ташқи содисида көрүлидиған қизил рәқәм мәсилисигә тәпсилий қарап чиқиш тапшурулған

Буниңда америка сода даирилири башқа дөләтләрниң америка базирини суйиистемал қилиш қилмишлири, йәни өз маллирини америкида әрзан баһада төкмә қилип сетиш, адаләтсиз дөләт ярдими, пул қиммитидики намувапиқлиқ қатарлиқ қилмишлири тәкшүрүлидикән

Трамп имза қоюш мурасимда мундақ деди: “Биз барлиқ сода суйиистемалини тәкшүрүп чиқимиз вә байқиғанлиримға асассән зөрүр вә қанунлуқ һәрикәт қоллинип бу хил қилмишларға хатимә беримиз.”

Хитай америкиниң әң чоң сада шерики болсиму, америка хитай билән болған ташиқи содида һәр йил зиян тартип кәлмәктә. Мунасивәтлик санлиқ мәлуматларға қариғанда, хитай билән болған ташқи содида 2016-Йили америка тәрәптә 347 Милярд доллар қизил рәқәм көрүлгән.

Президент трамп президентлиқ сайлимиға қайнитишиш җәрянидиму бу мәсилини көп қетим оттуриға қоюп, хитай билән болған бу хил намувапиқ сода қилмишиға хатимә беридиғанлиқини вәдә қилған иди

Президент трамп җүмә күнидики имза қоюш мурасимида, хитай рәиси ши җинпиң билән келәр һәптә көрүшидиғанлиқини алаһидә тилған елип мундақ деди: “Һәммиңларниң хәвиридә болғинидәк, келәр һәптә биз хитай рәиси вә зор бир гуруппа хитай вәкилләрни флоридада-Җәнубий ақсарайда қобул қилимиз вә бәк җиддий ишлар үстидә сөзлишимиз. Биз, бу учришишни күтүватимиз. Мән униң билән көп қетим телефонда көрүштүм. Һалбуки, ширкәтлиримиз вә хизмәт пурсәтлиримиз нуқтисидин ейтқанда дөлитимиздә йүз бериватқан ишлар интайин начар. Әмма буни өзгәртишкә башлишимиз керәк. Буниңға көп вақит кәтмәйду, бу бәк тиз болиду.” 

Бирләшмә агентлиқиниң хәвәр қилишичә, хитайниң сода сиясити һәққидә тохталған хитайниң му‍авин сода министири җең зегваң хитайниң ташқи содида үстүнлүк игиләшни қәстән қилмайдиғанлиқи, вә яки експорт миқдарини ашуруш үчүн өз пулиниң қиммитиниму қәстән төвән тутмайдиғанлиқини билдүргән.

Йиллардин бери хитай пулиниң долларға болған алмаштуруш қиммити мәсилиси америка-Хитай мунасивәтлиридики назук темиларниң бири болуп кәлгән

Америкиниң бир қисим дөләт мәҗлиси әзалири хитайниң хәлқ пулиниң алмаштуруш қиммитини қәстән товән тутуш арқилиқ, өз мәһсулатлириниң америка базирида үстүнлүк қазинишиға йол ачқанлиқини көрсәткән. Улар буниң америка ширкәтлирини зиянға учритиватқанлиқи билдүрүп, америка һөкүмитидин җиддий тәдбир қоллинишини тәләп қилип кәлгән иди

Президент трамп бу йил 23-Феврал ройтерсниң зияритини қобул қилғанда хитай пулиниң алмаштуруш қиммити мәсилиси һәққидә тохтилип: “Улар пул қиммитини контрол қилиштики әң чоң чемпийонлар. Бу мәйданимдин янғиним йоқ. Йәнә немә ишлар болиду, қени қараймизДегән иди

Америка ақсарай даирилири пәйшәнбә күнидики баянатида, президент трампниң хитай рәиси ши җинпиң билән 6-, 7-Апрел күнлири флорида штатида көрүшидиғанлиқини елан қилған.

Бу қетим америка президенти доналд трамп вә хитай рәиси ши җинпиң арисида өткүзүлидиған сөһбәтниң қандақ нәтиҗилинидиғанлиқи һазирчә намәлум

Әмма, президент трамп 31-Март бир твиттер учури йоллап ши җинпиң билән болидиған учришишниң бир МүшкүлУчришиш болидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.