Үрүмчи билән газиантеп қериндаш шәһәр болғанлиқи елан қилинди

Ихтиярий мухбиримиз арслан
2016.09.29
Share on WhatsApp
Share on WhatsApp
urumchi-gaziantep-kerindash.jpg Газиантәп шәһәр башлиқи вәкили латиф қарадағ билән үрүмчи шәһәр башлиқи илһам сабир достлуқ келишимгә имза қоюватқан мурасимидин көрүнүш. 2016-Йили 25-сентәбир, үрүмчи.
RFA/Arslan

Үрүмчи билән түркийәниң газиантеп шәһириниң қериндаш шәһәр болғанлиқи елан қилинди.

Тәңритағ ториниң хәвиридә билдүрүлүшичә, үрүмчидә ечилған 4-нөвәтлик хәлқаралиқ йипәк йоли иқтисад бәлвеғидики шәһәрләрниң 2016-йиллиқ һәмкарлиқ-тәрәққият мунбири 22-сентәбир чүштин кейин, үрүмчи хәлқара көргәзмә мәркизидә башлинип, 25-сентәбир чүштин кейин ахирлашти. Бу көргәзмигә йәрлик вә чәтәллик 63 шәһәрдин кәлгән 1000 дин артуқ вәкил, мутәхәссис, алим, “йипәк йолиға варислиқ қилиш, әмәлий иш қилип һәмкарлиқни чоңқурлаштуруш” дегән темини чөридигән асаста тәҗрибә алмаштурған. Йипәк йоли бәлвеғидики шәһәрләрниң һәмкарлиқини чоңқурлаштуруш йоллири һәққидә бирликтә издәнгән.

Анадолийә агентлиқиниң 28-сентәбир күни тарқатқан хәвиригә қариғанда, бу көргәзмә җәрянида үрүмчи билән түркийәниң газиантеп шәһириниң қериндаш шәһәр болғанлиқи елан қилинди.

Хәвәрдә билдүрүшичә, бу һәқтә үрүмчи шәһәр башлиқи илһам сабир билән газиантеп шәһәрлик һөкүмәт рәиси фатимә шаһинға вакалитән рәис вәкили латиф қарадағ келишим түзди вә үрүмчи билән газиантепниң қериндаш шәһәр болғанлиқиға алақидар түзгән келишимнамигә бирликтә имза қойди.

Түркийә мәтбуатлирида елан қилинған хәвәрләрдә билдүрүшичә, бу келишим билән икки шәһәр оттурисида иҗтимаий, иқтисади, мәдәнийәт вә сода-тиҗарәт мунасивәтлирини тиз сүрәттә күчләндүрүш мәқсәт қилинғанлиқи илгири сүрүлди.

Имза қоюш мурасимида сөз қилған газиантеп шәһәр башлиқи вәкили латиф қарадағ икки шәһәр оттурисидики қериндашлиқниң әһмийити тоғрисида тохтилип, әзәлдин қериндаш болған бу икки шәһәрниң хәлқлири уйғур түрклири вә анатолийә түрклири оттурисидики қериндашлиқ мунасивәтләрниң бу келишим билән техиму күчлинидиғанлиқини билдүрди.

Латиф қарадағ сөзидә йәнә мәдәнийәт байлиқлириға игә икки шәһәрниң қериндашлиқи үчүн түзүлгән бу келишим билән сода-тиҗарәт, маарип, сағлиқ, тәнтәрбийә, техника, мәдәнийәт вә пән-маарип қатарлиқ саһәләрдә өз-ара көплигән иш-пиланлириниң әмәлийләштүрүлидиғанлиқини билдүрди.

Үрүмчи шәһәр башлиқи илһам сабир, йипәк йоли үстидә әң муһим нуқтиларда қорулған үрүмчи билән газиантепниң қериндаш шәһәр болғанлиқидин мәмнун болғанлиқини ипадилигән вә буниңдин кейин техиму актип бир шәкилдә дост шәһәрләр ара мунасивәтни күчәйтишни халайдиғанлиқини билдүргән.

Илһам сабир сөзидә йәнә йипәк йолиниң муһим икки шәһири болған үрүмчи билән газиантепниң бир йәргә келиши билән чоң һәмкарлиқларниң әмәлийлишидиғанлиқиға ишинидиғанлиқини ипадилигән.

Үрүмчи билән газиантеп шәһириниң қериндаш дост шәһәр болуши уйғурларға қандақ пайда елип келиду? түркләр билән уйғурларниң мунасивәтлириниң йеқинлишишни халимайдиған хитай даирилири бу қетим қандақ болуп үрүмчи билән газиантеп шәһириниң достлуқ келишимигә имза қойди? биз бу соалларниң җавабиға еришиш үчүн түркийә истратегийилик чүшәнчиләр институтиниң тәтқиқат мутәхәссиси доктор әркин әкрәм билән сөһбәт елип бардуқ.

Биз йәнә бу һәқтә көз қарашлирини елиш үчүн газиантепта яшаватқан исмини ашкарилашни халимайдиған бир уйғур билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.